ءسۇريانىڭ سىرتقى ىستەر ءمينيسترى: "جەڭىسكە جەتەر كۇن جاقىن"

ءسۇريانىڭ سىرتقى ىستەر ءمينيسترى مۋاللەم ۆاليد بۇۇ-نىڭ شتاب پاتەرىنە ساپارى بارىسىندا التى جىلعا سوزىلعان سوعىستا ەل اسكەرى جەڭىسكە جەتىپ، بەيبىتشىلىك ورنايتىن كۇن جاقىنداي تۇسكەنىن قۋانا جەتكىزدى. بۇل تۋرالى APF اقپاراتتىق اگەنتتىگى جازدى.

ءسۇريانىڭ اسكەرى الەپپو مەن ءپالميردى ازات ەتىپ، داير-از-زاۋر قالاسى ماڭىندا ەرلىكپەن شايقاسىپ، ءسۇريانىڭ ءار بولىگىندەگى تەرروريزم قاۋپىن تومەندەتكەننەن كەيىن، "يسلام مەملەكەتى" لاڭكەستىك توبىنا قارسى كۇرەس وڭ ناتيجە بەرە باستادى. وسىنداي جىلى حابار جەتكىزگەن باشار-ءال اساد ۇكىمەتىنىڭ وكىلى ءسۇريا اسكەرى ەل تاريحىندا باتىرلار ەسەبىندە ماڭگىلىك ساقتالىپ قالاتىنىن جەتكىزدى.

وسىعان دەيىن باشار ءال اساد بيلىگىن قولدامايتىن باتىس ەلدەرى مەملەكەتتىك كۇشتەرگە قارسى  حيميالىق قارۋ قولداندى، بەيبىت حالىقتى ءولتىردى، وزگە دە زورلىق-زومبىلىق كورسەتتى دەگەن ايىپتاۋلارىن جوققا شىعارعان رەسمي وكىل، ءسۇريا اسكەرىنە قولداۋ كورسەتكەن بارلىق ارىپتەس مەملەكەتتەرگە العىس ءبىلدىردى.

رەسمي دەرەكتەر بويىنشا سۇرياداعى سوعىس 330 مىڭ ادامنىڭ ءومىرىن قيىپ، 5 ملن حالىقتى تۋعان جەرىن تاستاپ، بوسقىن اتانۋعا ءماجبۇر ەتتى.

“The Qazaq Times”