كاليفورنيا قالالارى كليمات وزگەرىستەرى ءۇشىن مۇناي الىپتارىنان تولەم تالاپ ەتتى

اقش كاليفورنيا شتاتىنىڭ سولتۇستىگىندەگى ەكى قالا سارسەنبى كۇنى بەس ءىرى مۇناي الىبىنىڭ ۇستىنەن شاعىم ءتۇسىرىپ، مەملەكەتتىك ورگاندارعا وسى كومپانيالاردى كليماتتىڭ وزگەرۋىن جويۋ ءۇشىن كەيبىر قاجەتتى ينفراقۇرىلىمدىق جوبالارعا تولەم تولەۋىن ماجبۇرلەۋدى تالاپ ەتتى. بۇل تۋرالى «The Wall Street Journal» باسىلىمى حابارلادى.

سان-فرانتسيسكو مەن وكلەند ۇكىمەتتەرىنىڭ ارىز-شاعىمىندا، مۇناي كومپانيالارىن جاعالاۋداعى قالالاردىڭ تەڭىز دەڭگەيىنىڭ كوتەرىلۋىنەن كەلەتىن زالالدان قورعاۋعا ارنالعان ينفراقۇرىلىمدىق جوبالارىنا تولەم تولەۋىن تالاپ ەتىپ وتىر. بۇل وسى تالاپقا ساي سوت پروتسەسىنىڭ العاشقى پارتياسى بولىپ وتىر.

ەكى قالانىڭ ۇكىمەتى جاريالاعان مالىمەتتە، مۇناي كومپانيالارىنا سۋ استى جانە باسقا دا ينفراقۇرىلىمدىق جوبالاردىڭ قۇنىن كوتەرۋىن سۇرادى. بۇل جوبالاردىڭ قۇنى ءالى بەلگىسىز، بىراق ميللياردتاعان دوللارعا جەتۋى مۇمكىن دەپ وتىر.

كاليفورنيانىڭ ەكى قالاسى اتاپ كورسەتكەن بەس ۇلكەن مۇناي الىبى مىنالار: ۇلىبريتانيانىڭ British Petroleum كومپانياسى (BP PLC, BP, Chevron Co.), «شەۆرون» كومپانياسى (Chevron Co.، CVX),  ConocoPhillips كومپانياسى (ConocoPhillips COP),  Exxon Mobil كومپانياسى (XOM) جانە Royal Dutch Shell PLC (RDSB) قاتارلى الەمدىك ءىرى مۇناي كومپانيالارى.

“The Qazaq Times”