ەو-نىڭ سىرتقى ىستەر جونىندەگى دەپارتامەنتتىڭ باس اتقارۋشىسى. فوتو: The Wall Street Journal.

ەۋروپا وداعى يران مەن اقش اراسىنداعى يادرولىق ماسەلەدەگى كەلىسپەۋشىلىكتە يراندى جاقتاپ شىقتى. ەو سىرتقى ىستەر جونىندەگى مەكەمە باسشىسى فرەدەريكا موگەريني يران مەن ءىرى مەملەكەتتەر اراسىندا جاساسقان يراننىڭ يادرولىق كەلىسىمىندە ءار تاراپ ءوز دەگەنىن ورىنداعانىن ايتتى. بۇل تۋرالى The Wall Street Journal باسىلىمى حابارلادى.

2015 جىلى قول جەتكىزىلگەن كەلىسىمدى باعالاۋعا جاۋاپتى بىرلەسكەن كوميتەت كەزەكتى وتىرىس وتكىزىلدى. قۇراما شتات كەلىسىمگە قوسىمشا شارتتار ۇسىنباق بولدى. سونىمەن بىرگە اقش پرەزيدەنتى اقش-تىڭ وسى كەلىسىمگە قالاي ارەكەت ەتەتىنى تۋرالى شەشىم قابىلداعانىن جاريا ەتكەن ەدى. بىراق ول بۇل مالىمەتىن بىرلەسكەن كوميتەتتىڭ وتىرىسىندا ۇسىنعان جوق.

بىرلەسكەن كوميتەت توراعاسى دا بۇۇ باس اسسامبلەياسىنىڭ نيۋ-يوركتەگى كەزدەسۋىندە كەلىسىمدى قايتا قاراۋدىڭ قاجەتى جوق ەكەنىن ايتىپ ەدى. قاتىسۋشىلار دا وسى ۋاقىتقا دەيىن كەلىسىمگە قول قويعان بارلىق تاراپ ءوزىنىڭ مىندەتىن تولىق ورىندادى دەدى.

ال، ەۋروپا وداعىنىڭ ءوزى ە يراننىڭ ءوز مىندەتىن كەلىسىمگە ساي ورىنداپ شىققانىن، اقش-تىڭ قوسىمشا شارتتارى مەن نارازىلىعىنىڭ ورىنسىز ەكەنىن ايتىپ شىقتى. بۇل ءبىر ەسەپتەن ترامپ ۇكىمەتىنىڭ يرانعا قاراتقان وقشاۋلاۋ ساياساتىنا ءبىر جولعى ساتسىزدىك بولدى. ەندى ءبىر جاعىنان الىپ قاراساق، اسىرەسە ءوڭىر تىنىشتىعى مەن قاۋىپسىزدىگى تۇرعىسىنان، تۇتانعالى تۇرعان اقش-يران ارازدىعىنا سۋ سەپتى.

“The Qazaq TImes”