فوتو: Tengrinews

2017 جىلعى 1 تامىزدا قازاقستاننىڭ حالىق سانى 18 ملن 054,0 مىڭ ادامدى قۇرادى، ونىڭ ىشىندە قالالىقتار – 10 ملن 351,7 مىڭ (57,3%), اۋىلدىقتار – 7 ملن 702,3 مىڭ ادامدى (42,7%) . 2016 جىلعى 1 تامىزبەن سالىستىرعاندا حالىق سانى 235,4 مىڭ ادامعا نەمەسە 1,32% ءوستى. بۇل تۋرالى قر ۇلتتىق ەكونوميكا مينيسترلىگىنىڭ ءباسپاسوز قىزمەتى حابارلادى.

ازاماتتاردىڭ حال اكتىلەرىن تىركەۋ ورگاندارى ۇسىنعان ازاماتتىق حال اكتىلەرى جازبالارىنداعى مالىمەتتەردى وڭدەۋ ناتيجەسىندە، 2017 جىلعى قاڭتار-شىلدەدە تۋعاندار سانى 222,8 مىڭ ادامدى قۇرادى، بۇل 2016 جىلعى قاڭتار-شىلدەگە قاراعاندا 6,5% از.

2017 جىلعى قاڭتار-شىلدەدە رەسپۋبليكا حالقىنىڭ تابيعي ءوسىمى 2016 جىلعى قاڭتار-شىلدەمەن سالىستىرعاندا 15,3 مىڭ ادامعا نەمەسە 9,5% كەمىپ، 145,5 مىڭ ادام بولدى. تابيعي ءوسىمنىڭ جالپى كوەففيتسيەنتى - 1000 ادامعا شاققاندا 13,89 ادام.

قاراستىرىلىپ وتىرعان كەزەڭدە قايتىس بولعاندار سانى 77,3 مىڭ ادامدى قۇرادى، بۇل 2016 جىلعى قاڭتار-شىلدەگە قاراعاندا 0,4% از.

2017 جىلعى قاڭتار-شىلدەدە رەسپۋبليكادا 1 جاسقا دەيىنگى 1876 نارەستە ءولىمى تىركەلدى. 2016 جىلعى قاڭتار-شىلدەمەن سالىستىرعاندا 1 جاسقا دەيىنگى شەتىنەگەن نارەستە سانى 15,2% ازايدى.

نارەستە ءولىم-ءجىتىمىنىڭ نەگىزگى سەبەبى - پەريناتالدىق كەزەڭدە پايدا بولاتىن جاعدايلار، بۇدان 2017 جىلعى قاڭتار-شىلدەدە 949 نارەستە قايتىس بولىپ، نارەستەلەر اراسىنداعى جالپى ءولىم سانىنىڭ 50,6% قۇرادى. تۋا بىتكەن اۋىتقۋلاردان 435 نەمەسە 23,2%، تىنىس ورگاندارى اۋرۋلارىنان – 117 نەمەسە 6,2% جانە جازاتايىم جاعدايدان، ۋلانۋدان جانە جاراقاتتان – 100 نەمەسە 5,3% نارەستە قايتىس بولدى.  2017 جىلعى قاڭتار-شىلدەدە نارەستە ءولىم-ءجىتىمىنىڭ كوەففيتسيەتى 1000 تۋعاندارعا شاققاندا 8,42 قۇرادى.

 

كوشى-قون قىزمەتى ورگاندارى ۇسىنعان مالىمەتتەردى وڭدەۋ ناتيجەسىندە، 2017 جىلعى قاڭتار-شىلدەدە ەلىمىزگە تۇرعىلىقتى تۇرۋعا كەلگەندەردىڭ تىركەلۋ سانى 2016 جىلعى قاڭتار-شىلدەمەن سالىستىرعاندا 39,1% كوبەيىپ، 9 711 ادامدى قۇرادى. ەلىمىزدەن كەتكەن كوشىپ-قونۋشىلاردىڭ تىركەلۋ سانى 2,3% كوبەيىپ،
19 407 ادامدى قۇرادى، كوشى-قوننىڭ ايىرىمى -9 696 ادام بولدى.

ەلىمىزدەگى نەگىزگى كوشى-قون الماسۋى تمد مەملەكەتتەرىمەن بولۋدا.

  • تمد ەلدەرىنەن كەلگەندەردىڭ ۇلەسى 70,8%;
  • تمد ەلدەرگە كەتكەندەردىڭ ۇلەسى 89,6% قۇرادى.

وڭىرارالىق كوشىپ-قونۋشىلاردىڭ ۇلەسىنە ەلىمىزدىڭ جالپى ىشكى كوشىپ-قونۋشىلار سانىنىڭ 34,4% كۇرادى. وڭىرارالىق كوشى-قوننىڭ وڭ ايىرىمى:

  • استانا قالاسى – 24 084 ادام;
  • الماتى قالاسى – 14 944 ادام;
  • اقمولا وبلىسى – 1 836  ادام;
  • اتىراۋ وبلىسى – 151 ادام قالىپتاستى.

“The Qazaq Times”