فوتو: كوممەرسانت

شەشەنستان پرەزيدەنتى رامزان كادىروۆ رەسەي اۋماعىندا ميانما مۇسىلماندارىن قولداپ شەرۋ وتكىزۋدىڭ قاجەتى جوق دەپ مالىمدەدى.

بۇل جايىندا رامزان كادىروۆ ءوزىنىڭ Instagram پاراقشاسىنا: «رەسەيدىڭ ءار تۇكپىرىندە جاڭادان شەرۋ ۇيىمداستىرۋ كەرەكتىگى سوڭى ۋاقىتتا ءجيى ايتىلىپ جاتىر. نە ءۇشىن؟ ەگەردە بۇل روحيندجا حالقىن قولداۋ بولاتىن بولسا، وندا وعان شەرۋ وتكىزۋدىڭ ەشقانداي قاجەتتىلىگى جوق. بۇل جايىندا قازىر بۇكىل الەم ايتىپ وتىر. ونىڭ ۇستىنە استانادا يسلام ىنتىماقتاستىق ۇيىمى روحيندجا مۇسىلماندارىنا بايلانىستى ءتيىستى قارار قابىلدادى. قازىرگى تاڭدا روحيندجا حالقىنا شەرۋ ەمەس، گۋمانيتارلىق كومەك قاجەت» - دەپ جازعان.

ەستەرىڭىزگە سالايىق، قىركۇيەكتىڭ 4-ءى كۇنى گروزنىي، ماسكەۋ، ماحاچكالا قالالارىندا ميانما مۇسىلماندارىن قولداپ، شەرۋ وتكەن بولاتىن. شەرۋدەن كەيىن رامزان كادىروۆ گروزنىيدا شەرۋگە ءبىر ميلليوننان استام ادام قاتىسقاندىعىن ايتىپ، رەسەي بيلىگى ميانماعا بايلانىستى قاندايدا ءبىر رەسمي مالىمدەمە جاساۋ كەرەكتىگىن تالاپ ەتكەن ەدى. بىراق اراعا ءبىر اپتا سالىپ كادىروۆ رەسەي اۋماعىندا قاندايدا ءبىر شەرۋ وتكىزۋدىڭ تۇك پايداسى جوقتىعىن ايتۋدا.

“The Qazaq Times”