يزرايل اسكەري اۋە كۇشتەرىنىڭ F-35 بومبىلاۋشى ۇشاعى.

يزرايل اۋە كۇشتەرى ءسۇريا اسكەرلەرى ورنالاسقان اۋدانداردى بومبىلادى، دەپ حابارلايدى Reuters اقپارات اگەنتتىگى.

Reuters مالىمەتىنشە، يزرايل اۋە كۇشتەرى ءسۇريانىڭ حاما پروۆينتسياسىندا ورنالاسقان باشار اساد اسكەرىنىڭ بىرنەشە نىسانىن اتقىلاعان. سالدارىنان سۇريالىق ەكى جاۋىنگار كوز جۇمعان.

ءسۇريا قارۋلى كۇشتەرىنىڭ تاراتقان اقپاراتى بويىنشا، يزرايل اۋە كۇشتەرى ماسياف قالاسى ماڭىنداعى اسكەري بازالاردى بومبىلاعان. بىراق بۇل وقيعاعا بايلانىستى رەسمي يەرۋساليم تاراپى قاندايدا ءبىر تۇسىنىكتەمە بەرۋدەن باس تارتتى.

ايتا كەتەتىن ءبىر جايت، بۇعان دەيىن يزاريل بىرنەشە مارتە ءسۇريانىڭ ىشكى ىستەرىنە ارالاسپايتىنى جايىندا مالىمدەمە جاساعان بولاتىن. الايدا وسى ۋاقىتقا دەيىن يزرايل ءسۇريا اسكەري بازالارىن ەشقانداي ەسكەرتۋسىز اتقىلاپ كەلەدى.

“The Qazaq Times”