سۇرياداعى رەسەيلىك اۋە كۇشتەرى. فوتو: ۆوەننىە ماتەريالى.

سۇرياداعى رەسەي اسكەرلەرىنىڭ كومانديرى 6 قىركۇيەكتە جاساعان مالىمەتىندە رەسەي كۇشتەرى سۇرياداعى اۋە وپەراتسيالارىندا ەكى اپتا ىشىندە 1200-دەن استام تەرروريستىڭ كوزىن جويعانىن ايتتى. ولار 80-نەن اسا بروندالعان اۆتوكولىك پەن تەررورلىق توپتىڭ 200-دەن استام كولىكتەرىن قيراتقان. بۇل تۋرالى «شينحۋا» اگەنتتىگىنىڭ رەسمي سايتى حابارلادى.

سۇرياداعى رەسەي اسكەرلەرىنىڭ كومانديرى سەرگەي سۋروۆيكيننىڭ ايتۋىنشا، رەسەيلىك ۇشاقتار وتكەن ەكى اپتادا 1400 رەتتەن استام رەيسكە كوتەرىلىپ، 2600 رەتتەن ارتىق شابۋىل جاسالدى. شابۋىل كوبىندە ءسۇريادا ورنالاسقان تەررورلىق توپتىڭ بازالارىنا باعىتتالدى.

رەسەي ۇشاقتارىنىڭ شابۋىلىنان 83 بروندالعان تەحنيكا جويىلعان. وعان قوسا ۇلكەن كاليبرلى قارۋمەن جابدىقتالعان 200-دەن استام كولىكتى تالقانداعان. بۇل شابۋىلداردا شامامەن 1200 تەرروريست جويىلدى دەلىنگەن.

رەسەي اسكەري لاۋازىمدىسى سوزىندە، بۇل شابۋىلداردىڭ ءسۇريا ارمياسىن قولداپ، «يسلام مەملەكەتى» ۇيىمىنىڭ نەگىزگى كۇشتەرى شوعىرلانعان بازالارعا باعىتتالعانىن جەتكىزدى. وپەراتسيالارعا رەسەيدىڭ سۋ-34 جانە سۋ-35 جويعىش ۇشاقتارى دا قاتىستىرىلعان.

“The Qazaq Times”