پۋتين اقش-قا ۋكراينانى قارۋمەن قامتاماسىز ەتپەۋ كەرەگىن ايتتى

پۋتين 5 قىركۇيەكتە قىتايدا وتكەن بريكس ەلدەرى ءسامميتى اياسىندا جۋرناليستەرگە ۋاشينگتون كىمگە قارۋ ساتاتىنىن، يا بەرەتىنىن ءوزى بىلەتىنىن ايتتى. "بىراق قاقتىعىس ايماعىنا قارۋ جونەلتۋ تاتۋلاستىرۋعا سەپتەسپەيدى، جاعدايدى تەك قيىنداتادى", - دەدى پۋتين.

وتكەن ايدا اقش قورعانىس ءمينيسترى دجەيمس مەتتيس ۆاشينگتون كيەۆكە رەسەي قولدايتىن سەپاراتيستەردەن قورعانۋىنا كومەكتەسۋ ءۇشىن قورعانىس ماقساتىنداعى قارۋ-جاراق جەتكىزۋ جاعىن "ويلاستىرىپ جاتقانىن" حابارلاعان.

پۋتين قارۋ-جاراق جەتكىزۋ ۋكراينا شىعىسىنداعى جاعدايدى مۇلدەم وزگەرتپەيتىنىن، كەرىسىنشە، قۇرباندار سانىن ارتتىراتىنىن ايتتى. پۋتين دونەتسك مەن لۋگانسك وبلىستارىنداعى سەپاراتيستەر جاريالاعان "حالىق رەسپۋبليكالارىن" مەڭزەپ: "وزىن-ءوزى جاريالاپ العان رەسپۋبليكالاردا قارۋ-جاراق، ونىڭ ىشىندە قارسىلاستارىنان تارتىپ العان قارۋى جەتكىلىكتى", - دەدى.

“The Qazaq Times”