فوتو: Reuters

بۇۇ-نىڭ باس حاتشىسى انتونيۋ گۋتتەريش ميانما بيلىگىنەن راكحاين شتاتىندا تۇراتىن روحيندجا مۇسىلماندارىنا قارسى قانتوگىستى توقتاتۋدى تالاپ ەتتى. بۇل تۋرالى ءال-جازيرا اقپاراتتىق اگەنتتىگى جازدى.

كۇنى كەشە عانا 25 تامىزدان بەرى ەلدەگى جاپپاي جازالاۋ شاراسىنان باس ساۋعالاپ، بانگلادەش جاعالاۋىنا جەتكەن مۇسىلمانداردىڭ سانى 73 مىڭ - 90 مىڭ دەپ كورسەتىلگەنىمەن، بۇگىن شەكارا سىرتىنان تىنىشتىق ىزدەگەندەر 125 مىڭعا جەتتى دەگەن حابار تارادى.

بۇۇ-نىڭ بالالارمەن جۇمىس ۇيىمى UNICEF ۇسىنعان باياندامادا بانگلادەشتەگى بوسقىندار لاگەرىندەگى مۇسىلمانداردىڭ 80 پايىزى بالالار مەن ايەلدەر ەكەنى كورسەتىلگەن. سونداي-اق ميانما بيلىگىنىڭ ەلىنە گۋمانيتارلىق كومەك كىرگىزبەۋى سەبەبىنەن، راكحاين شتاتىنىڭ وڭتۇستىگىندەگى 28 مىڭ بالا تازا اۋىز سۋ مەن ازىق-تۇلىك، ءدارى-دارمەك پەن العاشقى كومەككە مۇقتاج بولىپ وتىرعان كورىنەدى.

بۇۇ-نىڭ بوسقىندارمەن جۇمىس ىستەيتىن UNHCR اگەنتتىگى روحيندجالىقتارمەن تىلدەسىپ، ولاردىڭ مۇندا وتە قيىن جاعدايدا، بىرنەشە كۇن قاتارىنان اس-سۋ ىشپەستەن جەتكەنىن ايتادى. قازىرگى تاڭدا بارلىق الەمدىك باسىلىمداردىڭ باستى تاقىرىپتارىنا اينالعان ميانماداعى مۇسىلماندارعا قارسى ارەكەتتەردىڭ توقتاتىلۋى مەن بانگلادەشتەگى 100 مىڭنان استام بوسقىننىڭ بولاشاعى شەشىلمەي وتىر.

“The Qazaq Times”