سولتۇستىك كورەيا بالليستيكالىق زىمىراندارىن وزگە اۋماقتارعا تاسمالداۋدا

سولتۇستىك كورەيا اسكەرى ەلدىڭ باتىس جاعالاۋىنا بالليستيكالىق زىمىراندارىن تاسمالداۋدا، دەپ حابارلايدى Reuters اقپارات اگەنتتىگى.

Reuters مالىمەتىنشە، اسكەرلەر زىمىران تاسىمالىن قىركۇيەكتىڭ 3-نەن 4-نە قاراعان ءتۇنى جۇزەگە اسىرعان. سولتۇستىك كورەيانىڭ مۇنداي قادامدارعا بارۋىنىڭ باستى سەبەبى ەلدىڭ باتىس جاعالاۋىندا زىمىران ۇشىراتىن قۇرىلعى ورنالاسقان.

وڭتۇستىك كورەيالىق باق وكىلدەرىنىڭ تاراتقان اقپاراتىنا سۇيەنسەك پيوڭياڭ (پحەنيان) كەلەسى زىمىرانىن باتىس جاعالاۋداعى سىناق الاڭىنان ۇشىرۋى مۇمكىن. بىراق وڭتۇستىك كورەيا قورعانىس مينيسترلىگى بۇقارالىق اقپارات قۇرالدارى تاراتقان بۇل اقپاراتتاردى رەسمي تۇردە راستاي المايتىنىن مالىمدەگەن.

ەستەرىڭىزگە سالايىق، قىركۇيەكتىڭ 3 كۇنى سولتۇستىك كورەيا 100 كيلوتوننالىق سۋتەگى بومباسىن سىناقتان وتكىزگەن بولاتىن.

“The Qazaq Times”