ميانما باسشىسىنان نوبەل سىيلىعىن قايتارىپ الۋ ۇسىنىلدى

ميانمانىڭ كوشباسشىسى، نوبەل بەيبىتشىلىك سىيلىعىنىڭ لاۋرەاتى اۋن سان سۋ چيگە قارسى نارازىلىق ءورشىپ كەلەدى. كورشىلەس جانە الىس قۇرلىقتاعى كوپتەگەن ەلدەر ونىڭ تەز ارادا ورتاعا شىعىپ، نەشە ون مىڭداعان مۇسىلمانداردىڭ بانگلادەشكە قاشىپ كەتۋىنە تۇرتكى بولعان اسكەري وپەراتسيالاردى توقتاتۋىن سۇرادى. بۇل تۋرالى “The New York Times” باسىلىمىنىڭ تاڭعى جاڭالىقتار توپتاماسىندا حابارلاندى.

اۋن سان سۋ چيمەن بىردەي نوبەل بەيبىتشىلىك سىيلىعىنىڭ يەگەرى مالالا يۋسۋفزاي ءوزىنىڭ Twitter پاراقشاسىندا ودان مۇسىلماندارعا باعىتتالعان قىرعىندى تەز ارادا توقتاتۋىن سۇرادى. ال كەيبىر، اتالعان سىيلىقتىڭ يەگەرلەرى نوبەل كوميتەتىنە ميانما كوشباسشىسىنىڭ ۇستىنەن شاعىم تۇسىرەتىنىن نەمەسە سىيلىقتى قايتارىپ الۋىن تالاپ ەتەتىنىن بىلدىرگەن.

اۋستراليا، يندونەزيا جانە ءۇندىستان روحيندجا مۇسىلماندارىنا قولداۋ كورسەتۋ ءۇشىن دەمونستراتسيالار ۇيىمداستىرىپ، اۋن سان سۋ ءچيدىڭ سۋرەتىن جۇرتشىلىق الدىندا ورتەدى.

“The Qazaq Times”