سوت كەنياداعى پرەزيدەنت سايلاۋىنىڭ قورىتىندىسىن جوققا شىعاردى

كەنيانىڭ جوعارعى سوتى جۋىردا وتكەن پرەزيدەنتتىك سايلاۋ قورىتىندىلارىن جوققا شىعارىپ، 60 كۇن ىشىندە جاڭا سايلاۋ وتكىزۋگە شەشىم شىعاردى. 1,4 ملن داۋىس بەرۋشىنىڭ قولداۋىنا يە بولىپ، جەڭىسكە جەتكەن ۋحۋرۋ كەنياتانىڭ قارسىلاسى رايلا ودينگا سايلاۋ بارىسىندا زاڭبۇزۋشىلىقتار ورىن الىپ، ادىلەتسىزدىك جاسالعانىن ايتىپ، سوتقا شاعىمدانعان بولاتىن. 

كەنيانىڭ جاقىندا سايلانعان پرەزيدەنتى ۋحۋرۋ كەنياتا وسىدان الدىن قانداي شەشىم بولماسىن قۇرمەتپەن قابىلدايتىنىن ايتقانىمەن، ونىڭ قىزمەتىن زاڭسىز دەپ تاۋىپ، جاڭا سايلاۋ وتكىزۋگە شاقىرعان سوتتى ايىپتاپ، ادىلدىگىنە كۇمان كەلتىردى.

سايلاۋدان كەيىن، رايلا ودينگانىڭ جاقتاستارى مەن قاۋىپسىزدىك قىزمەتىنىڭ اراسىندا بولعان تەكە-تىرەستەر ناتيجەسىندە 28 ادام قازا تاپتى. 2007 جىلى دا كەزەكتى سايلاۋ قورىتىندىلارىنىڭ وزگەرتىلگەنى تۋرالى شۋ شىعىپ، سوڭى جاپپاي تارتىپسىزدىك پەن قوعامدىق تولقۋعا ۇلاسقان ەدى.

“The Qazaq Times”