كەنيادا قاندى قاقتىعىسقا ۇلاسقان سايلاۋ اياقتالدى

كەنيادا قاندى قاقتىعىسقا ۇلاسىپ، ۇزاق تارتىسقا تۇسكەن پرەزيدەنت سايلاۋى اياقتالدى. كەنيانىڭ بۇرىنعى پرەزيدەنتى ۋحۋرۋ كەنياتتا قايتادان مەملەكەت باسشىسى بولىپ سايلاندى. بۇل تۋرالى ءال-جازيرا اقپاراتتىق اگەنتتىگى جازدى. 

سايلاۋ جونىندەگى تاۋەلسىز ۋحۋرۋ كەنياتتانىڭ 290 سايلاۋ وكرۋگىنىڭ 265-ىندە، 98,2 پايىز داۋىسقا يە بولعانىن حابارلادى. قالعان داۋىستىڭ 0,9 پايىزىن وپپوزيتسيالىق رايلا ودينگا مەن وزگە التى كانديدات ءوزارا بولىسكەن. وسىدان بۇرىنعى سايلاۋ قورىتىندىلارى مويىندالماعاندىقتان، قايتا وتكىزىلگەن داۋىس بەرۋ شاراسىنا 19,6 ملن حالىقتىڭ 38,84 پايىزى (7,6 ملن) قاتىستى. 25 وكرۋگتە ازاماتتار سايلاۋعا بارۋدان باس تارتتى. ولار ونىڭ ادىلەتسىز وتەتىندىگىنە سەنىمدى ەكەندىكتەرىن جەتكىزدى.

دەگەنمەن ەل ۇكىمەتى سايلاۋعا قاتىسۋشىلار سانى 50 پايىزدان تومەن بولعانىنا قاراماستان، ونى كەيىنگە قالدىرعان جوق. سەبەپ - كەنيادا پرەزيدەنت سايلاۋى باستالعان تامىز ايىنان باستاپ جالعاسىپ كەلە جاتقان زورلىق-زومبىلىق اكتىلەرى. وسىعان دەيىن جەرگىلىكتى قاقتىعىستاردان 30 ادام قازا تاپقان.

سايلاۋدا جەڭىلگەن وپپوزيتسيا تاراپى وسى اپتادا پىكىرىن بىلدىرەدى دەپ كۇتىلۋدە. ەگەر رايلا ودينگا تاعى دا نارازىلىق ءبىلدىرىپ، ءوز جاقتاستارىنا ۇندەۋ جولداسا، كەنياداعى جاپپاي كوتەرىلىستەر مەن قانتوگىستەر تاعى دا جالعاسقالى تۇر.

“The Qazaq Times”