جاپونيا اقش-تىڭ قىمبات قورعانىس جۇيەلەرىن ساتىپ الا باستادى

ءۇش كۇن بۇرىنعى سولتۇستىك كورەيا بالليستيكالىق زىمىرانى جاپون كەڭىستىگىنەن ۇشىپ وتكەننەن كەيىن، جاپونيا قورعانىس مينيسترلىگىنىڭ تالاپتارى بويىنشا، جاڭا زىمىران قورعانىسى تەحنولوگياسىنا 1,6 ميلليارد اقش دوللارى جۇمسالدى. بۇل سولتۇستىك كورەيانىڭ سۋ استىندا ورنالاسقان زىمىراندارىن جىلدام تابۋعا بولاتىن راداردى دا ءوز ىشىنە قامتيدى. سونداي-اق، بالليستيكالىق زىمىراندارعا قارسى تۇرا الادى. بۇل تۋرالى The Wall Street Journal باسىلىمى حابارلاپ وتىر.

جاپون قورعانىس مينيسترلىگى زىمىران قورعانىس قورلارىنا ءوتىنىش بويىنشا 2018 جىلدىڭ ءساۋىر ايىنا دەيىنگى جىل سايىنعى بيۋدجەتتەن شىعارىلاتىن بولىپ جوسپارلانعان. بۇل تالاپ بارلىق راديولوكاتسيالىق جۇيەلەردى جەتىلدىرۋدى قامتيدى. ايتالىق، جاڭا راديولوكاتسيالىق جۇيەلەردى دامىتۋ جانە جوعارى دەڭگەيدەگى كۇشتى رەاكتيۆتى زىمىران جولدارىن توسۋعا قابىلەتتى جۇيەنى ساتىپ الۋ بولىپ تابىلادى.

قازىرگى كەزدە جاپونيا ۇكىمەتىن الاڭداتىپ وتىرعانى – جاپونيادا قولدانىستاعى زىمىراندىق قورعانىس جۇيەسى سولتۇستىك كورەياعا بىرقاتار زىمىراندارىنا توسقاۋىل جاساۋعا قاۋقارسىز قالدى. جاپون قورعانىس ءمينيسترىنىڭ وسى اپتاداعى مالىمەتىندە، قولدانىستاعى كەمە نەگىزىندەگى «اەگيس» زىمىران قورعانىس جۇيەسىن جانە جەر ۇستىندەگى «پاتريوت» زىمىران كەشەنىن تولىقتىرۋ ءۇشىن، جاپون ۇكىمەتى «اەگيس»-ءتىڭ جەردەگى قورعانىس جۇيەسىنە ينۆەستيتسيا سالۋى كەرەك دەلىنگەن.

جاپون قورعانىس مينيسترلىگىنىڭ حابارىنا قاراعاندا، بۇل رەتكى بولىنگەن قارجى قورعانىس بيۋدجەتىنىڭ جالپى تىزىمىنەن تىس بولىپ وتىر. جاپونيا ۇكىمەتى ساتىپ الۋعا ۇمىتكەر بولىپ وتىرعان باسقا دا قورعانىس جۇيەلەرى دە بار. ايتالىق، وڭتۇستىك كورەيا قولدانعالى وتىرعان «ساد» زىمىران قورعانىس جۇيەسى. بۇل ەكەۋىن دە Lockheed Martin Co. (LMT) اسكەري ونەركاسىپ ورىنىندا وندىرىلگەن.

بۇل رەت جاپونيا قورعانىس مينيسترلىگى شىعارعان قارجى جالپى قورعانىس بيۋدجەتىنىڭ 2,5 پايىزىن ۇستايدى. ناقتىلاي ايتقاندا، 47,6 ميلليارد دوللاردى قۇرايدى. بۇل جاپونيانىڭ اسكەري سالاعا بولىنەتىن بيۋدجەتتى 6 قاتارىنان ارتتىرعانى بولىپ سانالادى. مينيسترلەر كابينەتى جەلتوقسان ايىنىڭ سوڭعى شەشىمىن قابىلداپ، بيۋدجەتتى بۇدان ءبىر تيىندا كەمىتپەيتىن بولعان ەدى.

“The Qazaq Times”