«قازاتومونەركاسىپ» ۇلتتىق اتوم كومپانياسى» اق «كاۋستيك» اق-داعى 40% اكتسيالار پاكەتىن ساتۋدى جوسپارلاپ وتىر. بۇل تۋرالى كومپانيانىڭ ءباسپاسوز قىزمەتى حابارلادى.
كونكۋرس قۇجاتتارى مەن ەكى كەزەڭدىك اشىق كونكۋرستىڭ حابارلاماسى «قازاتومونەركاسىپ» ۇاك» اق-نىڭ ۆەب-پورتالىندا ورنالاستىرىلعان. 40% اكتسيالار پاكەتى ءۇشىن سۇرالاتىن باستاپقى باعا 7 ملرد 440 ملن تەڭگەنى قۇرايدى.
كونكۋرس «سامۇرىق-قازىنا» اق ديرەكتورلار كەڭەسىنىڭ شەشىمىمەن بەكىتىلگەن اكتيۆتەرىن ساتۋ جانە قايتا قۇرىلىمداۋدىڭ بىرىڭعاي ەرەجەلەرى مەن «قازاتومونەركاسىپ» ۇاك» اق اكتيۆتەرىن ساتۋ جونىندەگى كوميسسيا بەكىتكەن كونكۋرستىق قۇجاتتامالارعا سايكەس جۇرگىزىلەدى.
اشىق ەكى كەزەڭدىك كونكۋرسقا وتىنىمدەر قابىلداۋ 2017 جىلعى 25 قىركۇيەك كۇنى استانا ۋاقىتىمەن ساعات 15.00-دە اياقتالادى.
«كاۋستيك» اق – قولدانىستاعى بارلىق قازاقستاندىق جانە حالىقارالىق ساپا ستاندارتتارىنا سايكەس كەلەتىن زاماناۋي حيميا ءوندىرىسى. كاسىپورىن كاۋستيكالىق سودا (30 مىڭ ت/ج), سۇيىق حلور (26 مىڭ ت/ج), تۇز قىشقىلىن (45 مىڭ ت/ج), سونداي-اق ناتريدىڭ تەحنيكالىق گيپوحلوريتىن (6,6 مىڭ ت/ج) شىعارادى.
قازاتومونەركاسىپتىڭ مالىمەتىنشە، ەنشىلەس جانە تاۋەلدى كاسىپورىنداردى ساتۋ بيزنەستى ترانسفورماتسيالاۋ باعدارلاماسى اياسىندا بەيىندى ەمەس اكتيۆتەردەن ارىلۋ جانە كومپانيا قىزمەتىن تىكەلەي اتوم سالاسىنا باعىتتاۋ ماقساتىندا جۇزەگە اسىرىلىپ جاتعان كورىنەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى