«قازاتومونەركاسىپ» ۇلتتىق اتوم كومپانياسىنا بۇرىن پايدالانىلعان پۋت وپتسيون قۇقىعى بويىنشا «Westinghouse» اكتسيالارى ءۇشىن 522 ملن دوللار كولەمىندە اقى تولەندى. بۇل تۋرالى كومپانيانىڭ ءباسپاسوز قىزمەتى حابارلادى.
كومپانيانىڭ مالىمەتىنشە، «قازاتومونەركاسىپ» 2007 جىلى «Westinghouse» اكتسيالارىن «Toshiba» كورپوراتسياسىنان 540 ملن دوللارعا ساتىپ العان. پۋت وپتسيون شارتىنا سايكەس «قازاتومونەركاسىپ» ءوز اكتسيالارىن بەلگىلەنگەن باعامەن 522 ملن دوللارعا «Toshiba» كورپوراتسياسىنا قايتا ساتۋ قۇقىنا يە.
سونداي-اق، كومپانيا تاراتقان مالىمەتكە قاراعاندا، 2017 جىلعى ناۋرىزدا امەريكالىق «Westinghouse» (جاپوندىق «Toshiba» كورپوراتسياسىنىڭ ەنشىلەس كومپانياسى) اقش-تىڭ بانكروتتىق تۋرالى كودەكسىنىڭ 11-بابىنا سايكەس بانكروتتىق راسىمدەرىن باستاۋ جونىندە سوتقا ءوتىنىش بەرگەن.
"پۋت وپتسيون شارتىنا سايكەس «Toshiba» كورپوراتسياسى «قازاتومونەركاسىپ» ۇاك» اق-دان «Westinghouse Electric» كومپانياسىنىڭ 10% اكتسياسىن ساتىپ الدى", - دەلىنگەن ءباسپاسوز حابارلاماسىندا.
اكتسيالارعا يەلىك ەتكەن كەزەڭدەگى 103 ملن دوللار مولشەرىندەگى ديۆيدەندتەردى قوسا ەسەپتەگەندە «قازاتومونەركاسىپ» سالعان قارجىسىن جالپى سوماسى 625 ملن دوللار كولەمىندە قايتارىپ العان، بۇل «Westinghouse» اكتسيالارىنىڭ باستاپقى ينۆەستيتسياسىنان 85 ملن دوللارعا كوپ.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەديدەنتسيا سوتى. سەرىك كەكىلباەۆ: مەنىڭ ارەكەتتەرىمدە قىلمىستىڭ قۇرامى جوق
كارانەەۆ: تاعىلعان ايىپتىڭ ەشقايسىسىن مويىندامايمىن
رەزيدەنتسيا ىسىندەگى سۋديا مەن بەلسەندىنىڭ ايتىسى
9 ايدىڭ ىشىندە الماتى مەن جەتىسۋ وبلىستارىندا قۇرىلىسى اياقتالعان جولداردان 481 اقاۋ انىقتالعان
وتانعا ورالعان قانداس بەيىمدەلۋى نەمەسە قانداستار مەن قازاقستانداعى ميگرانتتاردى اقپاراتتىق قولداۋ جانە الەۋمەتتىك بەيىمدەۋدىڭ مەديا-ستراتەگياسى