فوتو: Sputnik كازاحستان

ۇلتتىق ەكونوميكا مينيسترلىگى 2018-2020 جىلدارعا ارنالعان بيۋدجەت جوباسىنا قاتىستى دوللار كۋرسىن 340 تەڭگە مولشەرلەمەسىمەن بەلگىلەدى. بۇل تۋرالى قر ۇلتتىق ەكونوميكا ءمينيسترى تيمۋر سۇلەيمەنوۆ مالىمدەدى.

ۇكىمەت وتىرىسىنىڭ ناتيجەسى بويىنشا وتكىزىلگەن ءباسپاسوز كونفەرەنتسياسىندا مينيستر ۇلتتىق ۆاليۋتانىڭ نارىقتاعى باعاسى وزگەرىپ كەتۋى مۇمكىن ەكەنىن جوققا شىعارمادى.

"تەڭگە باعامىن ءبىز ەسەپتەۋ ماقساتىندا بەلگىلەيمىز. وزدەرىڭىز بىلەتىندەي، ۇلتتىق بانك تەڭگە كۋرسىن باقىلامايدى، ول تولىققاندى ەركىن اينالىمدا. سوندىقتان وعان قاتىستى بولجام جاساۋ دا قيىن. وسىعان بايلانىستى ءبىز بولجانعان تەڭگە كۋرسىن نەگىزگە الامىز. الايدا بۇل ۆاليۋتا نارىعىندا دا كۋرس وسىنداي بولادى دەگەن ءسوز ەمەس", - دەدى ول.

سونداي-اق، ەكونوميكا ءمينيسترى ەسەپتەلگەن كۋرس تەك قانا بيۋدجەت پارامەترلەرىن ەسەپتەۋ كەزىندە عانا پايدالانىلاتىنىن اتاپ ءوتتى.

"ادەتتە ول (تەڭگە كۋرسى - رەد.) نارىقتا قالىپتاسقان كۋرسپەن سايكەس كەلمەۋى مۇمكىن. سوندىقتان ءبىز بۇل ماسەلەنى قاداعالاۋعا جانە قاجەت بولعان جاعدايدا بيۋدجەتتى تۇزەتۋگە دايىن بولامىز", - دەدى مينيستر.

ايتا كەتەيىك، بۇعان دەيىن 2017 جىلعا ارنالعان بيۋدجەتتە دوللار كۋرسى 330 تەڭگەمەن بەلگىلەنگەنى حابارلانعان.

“The Qazaq Times”