كەمە اپاتىندا قازا بولعان امەريكالىق اسكەرلەردىڭ مۇردەسى تابىلدى

اقش تىنىق مۇحيتى جەتىنشى فلوتى مالىمدەمە جاساپ، 21 تامىز كۇنى سينگاپۋرعا تاياۋ ماڭداعى بۇعازدا سوقتىعىسقان «ماككەين» كەمەسىندە قازا بولعان 10 ادامنىڭ مۇردەلەرى تابىلعانىن ايتتى. بۇل تۋرالى «شينلاڭ» اقپاراتتىق سايتى حابارلايدى.

اپاتتا قازا بولعان امەريكالىق اسكەرلەر. فوتو: American Military News.

جاقىندا عانا  اقش-تىڭ تىنىق مۇحيتتاعى كۇشتەرىنىڭ «ماككەين» اتتى كەمەسى، سينگاپۋرعا تاياۋ ماڭداعى بۇعازدا جۇك تاسىعان كەمەگە سوعىلىپ، اۋىر زاقىمدالعان بولاتىن. جۇك كەمەسى جاۋىنگەرلەر تۇراتىن بولمە تۇسىنان سوعىلعاندىقتان، ىشىندەگى 10 امەريكالىق اسكەردىڭ قازا بولعانى تۋرالى حابارلانعان. بۇل سوڭعى جىلدارى اقش-تىڭ تىنىق مۇحيت فلوتىندا تۋىلعان ەڭ كوپ ءولىم-ءجىتىم وقيعاسى بولىپ تابىلادى.

وسىدان بۇرىن اقش-تىڭ جانە باسقا دا ءبىر قاتار باتىس ەلدەرىنىڭ اقپارات قۇرالدارىندا، اقش كەمەلەرىنىڭ ارت-ارتىنان اپاتقا ۇشىراۋىنا قىتايدىڭ قاتىسى بار دەگەن بولجامدار جاريالانعان بولاتىن. ولاردىڭ ايتۋىنشا قىتاي جاق حاكەرلىك شابۋىلدار ارقىلى اقش كەمەسىنىڭ رادارىن ىستەن شىعارعان.

“The Qazaq Times”