بۇۇ-داعى ءسۇريانىڭ ارنايى وكىلى اقش باسقارعان حالىقارالىق كواليتسيانىڭ راككا قالاسىن بومبالاۋىن ۋاقىتشا توقتاتۋىن تالاپ ەتتى. سەبەبى، راككاداعى 20 مىڭ بەيبىت تۇرعىن راككا قالاسىندا حالىقارالىق كواليتسيا مەن تەررورلىق ۇيىمنىڭ قىسپاعىندا قالىپ وتىر. ءسۇريا وكىلى بەيبىت تۇرعىنداردى ەۆاكۋاتسيالاۋدى سۇراۋدا. بۇل تۋرالى «تۇرىك تەلە-راديو» قىزمەتىنىڭ رەسمي سايتى حابارلادى.

ءسۇريا وكىلى كورسەتكەن مالىمەتكە قارعاندا، قازىر 11 ايماق تەررورلىق ۇيىمنىڭ قورشاۋىندا. بۇل ايماقتاردىڭ 540 مىڭ بەيبىت تۇرعىندارى قىسىم استىندا قالىپ قويعان. ءارى ولار گۋمانيتارلىق كومەكتەر جەتكىزىلمەسە وزدىگىنەن كوشۋگە دارمەنسىز بولىپ وتىر.

راككا قالاسى سۇرياداعى دايش ۇيىمىنىڭ ەڭ نەگىزگى قالاسى. حالىقارالىق كواليتسيا تەرروريستتەرگە سوققى بەرۋ تەبىنىن ارتتىرىپ، راككانى قىسپاققا العان سايىن ونداعى بەيبىت تۇرعىندارعا دا قاتەر مولايا تۇسۋدە. مالىمەتتەرگە نەگىزدەلگەندە اتالعان قالادا 20 مىڭ نەمەسە ودان دا كوپ جازىقسىز بۇقارا ەكى كۇش اراسىندا قىسپاقتا قالىپ وتىر.

“The Qazaq Times”