اقش-تىڭ 45-ءشى پرەزيدەنتى. فوتو: Chicago Tribune.

پرەزيدەنت دونالد ترامپ پەن كونگرەستىڭ اراسىنداعى تۋربۋلەنتتى (قۇبىلمالى، ءار باعىتتاعى) قارىم-قاتىناس جاڭا دەڭگەيگە جەتتى. ەگەر ونىڭ مەكسيكا شەكاراسىنا قابىرعا تۇرعىزۋ ىسىنە قارجىلاندىرۋ مىندەتتەمەسى ورىندالماي جاتسا، زاڭ شىعارۋشىلار بۇنى زاڭ ارقىلى بەكىتۋگە ءازىر.

ترامپ جانە سەنات وكىلدەرىنىڭ ليدەرى ميتچ ماككوننەلل (Mitch McConnell) قاتىناستارى بىرنەشە اپتا وتسە دە بۇل ماسەلەدەن اينالىپ ءوتتى. سەنات باسشىسى بولسا، ترامپتىڭ زاڭنامالىق كۇن ءتارتىبىن جەتىلدىرۋدە سوڭعى ءرول وينادى.

«نيۋ-يورك تايمس» (The New York Times) باسىلىمىنىڭ تاڭعى جاڭالىقتار قاتارىندا اقش-تىڭ اۋعانستاندا اسكەر سانىن كوبەيتۋى تۋرالى تاقىرىپ قوزعالدى. اتالعان باسىلىم «اۋعانستان سوعىسى ءۇشىنشى امەريكالىق پرەزيدەنتتى ۇياتقا قالدىردى» دەپ جازدى. باسىلىمنىڭ بۇگىنگى سانىندا 16 جىلدان بەرى اۋعانستاندا مىندەتىن وتەگەن اقش جاۋىنگەرلەرىنىڭ ءومىرى تۋرالى كولەمدى ساراپتاما جاريالاندى.

ساراپتامادا: «اۋعانستانداعى امەريكالىق سوعىس - قۇراما شتاتتار تاريحىنداعى ەڭ ۇزاق جانە ەڭ قىمبات اسكەري وپەراتسيالاردىڭ ءبىرى. دەگەنمەن، تاليبتەردەن ەلدىڭ كوپتەگەن بولىكتەرى تازارتىلدى. بىراق، تاليبان مەن «يسلام مەملەكەتى» سياقتى جاقتاستارى جاۋىنگەرلەرىمىزگە ءجيى شابۋىل جاسايدى»، – دەلىنگەن.

سوعىس تۋرالى زەرتتەۋ ينستيتۋتىنىڭ اۋعانستانداعى ساراپشىسى كەيتلين فوررەست "اۋعانستان ارمياسىندا ءالى كۇنگە دەيىن تاليباننىڭ باقىلاۋىنداعى  ۇلكەن اۋماقتاردى قايتارىپ الۋعا قاجەتتى جۇمىس كۇشى دە، جابدىقتار مەن جاتتىعۋلارى دا جەتكىلىكسىز" دەپ كورسەتتى. پرەزيدەنت ترامپ دۇيسەنبىدە اۋعانستانعا سوعىس قاقتىعىسىن اياقتاۋ ستراتەگياسىنىڭ ءبىر بولىگى رەتىندە قوسىمشا اسكەرلەر جىبەرەتىنىن جاريالادى.

دەگەنمەن، ترامپتىڭ جاساعان جوسپارى باراك وبامامەن ۇقساس بولىپ شىقتى. ايتالىق، تەرروريزمگە قارسى كۇرەستە اۋعانستاندىق اسكەرلەردى تاربيەلەپ جۇمساۋعا كوبىرەك باسىمدىق بەرەدى. بىراق، ترامپتىڭ كوتەرگەن ۇرانى وباما كەزىندەگىدەن جاعىمدى ەستىلەدى. ول: «ءبىز مەملەكەتتى وزگەرتپەيمىز، تەك تەرروريستەردى جويامىز»، – دەگەن بولاتىن.

ايتا كەتەيىك، كابۋلدا مامىر ايىنان بەرى 150 ادامدى ولتىرگەن لاڭكەستىك شابۋىلدار اقش-تىڭ 2001 جىلى باستالعان شابۋىلىنان بەرگى ەڭ كوپ ءولىم-ءجىتىم بولعان شابۋىل ەدى.

“The Qazaq Times”