كيم جوڭ ۋن زىمىرانعا قولدانىلاتىن تەمپەراتۋراعا ءتوزىمدى ماتەريالدار ءوندىرىسىن تەكسەرۋدە. فوتو: 新浪新闻中心.

كحدر «ورتالىق اقپارات» اگەنتتىگىنىڭ حابارىنا قاراعاندا، سولتۇستىك كورەيانىڭ ەڭ جوعارى باسشىسى كيم جوڭ ۋن (كيم چەن ىن) سولتۇستىك كورەيانىڭ عىلىمي زەرتتەۋ جانە حيميالىق ماتەريالدار ينستيتۋتىن ارالاپ تەكسەرگەن. ول تەكسەرۋىنەن كەيىن زىمىران قوزعالتقىشتار مەن زىمىرانداردىڭ ءوندىرىسىن ارتتىرۋدى مىندەتتەگەن. بۇل تۋرالى «شينلاڭ» اقپاراتتىق سايتى حابارلاپ وتىر.

سولتۇستىك كورەيانىڭ اتالعان زەرتتەۋ ينستيتۋتى سول ەلدىڭ بالليستيكالىق زىمىرانداردى دامىتۋ باعدارلاماسىندا ماڭىزدى سانالادى. ايتالىق، بۇل ورىن زىمىرانداردىڭ تەمپەراتۋراعا ءتوزىمدى ماتەريالدارىن زەرتتەۋ جانە وندىرۋگە جاۋاپتى.  سونىمەن بىرگە، زىمىران قوزعالتقىشتىڭ رەاكتيۆتى ماتەريالى جانە باسقا دا حيميالىق ماتەريالدارىن دايىنداۋ مىندەتى بار. ۇكىمەت جاعىنان بۇل ينستيتۋت كحدر بالليستيكالىق زىمىرانداردى دامىتۋ باعدارلاماسىنا تەڭدەسسىز ۇلەس قوسقان دەپ باعالانعان.

كيم جوڭ ۋن زەرتتەۋ ينستيتۋتىندا. فوتو: 新浪新闻中心.

كيم جوڭ ۋن قۇرلىقارالىق بالليستيكالىق زىمىران جانە رەاكتيۆتى قوزعالتقىشتاردى ءوندىرۋ پروتسەسىن تەكسەرىپ شىعىپ، سوڭىندا ءوندىرىستى بۇدان دا جوعارى دەڭگەيگە دامىتۋعا تاپسىرما بەرگەن. ول سوزىندە: «ينستيتۋت ازىرلەگەن زەرتتەۋ ماتەريالدارى ارقىلى، ءبىز بىرنەشە رەتكى زىمىران سىناعى كەزىندە، زىمىراندارىمىزدىڭ اتموسفەرا قاباتىنا قايتىپ ورالعانداعى جوعارى تەمپەراتۋراعا ءتوزىمدى ەكەنىن دالەلدەي الدىق. بۇل ءبىزدىڭ ۇلتتىق قورعانىسىمىزعا زور ۇلەس قوسقان ماڭىزدى جەتىستىك دەپ باعالايمىن. الداعى ۋاقىتتا ءوندىرىس كولەمىن بۇدان دا ارتتىرۋعا تاپسىرما بەرەمىن. بالليستيكالىق زىمىران قوزعالتقىشتارى مەن قوزعالتقىش وتىنداردى ءوندىرۋدى جاپپاي ارتتىرۋ كەرەك»، – دەدى.

“The Qazaq Times”