"يندياناپوليس" فوتو: The New York Times.

بۇگىن الەمدىك اقپارات كوزدەرى 72 جىلدىڭ الدىندا جوعالىپ كەتكەن اقش-تىڭ اسكەري كەمەسىنىڭ تابىلعانى تۋرالى حابارلاۋدا. 1945 جىلى 30 ماۋسىمدا تىنىق مۇحيتىندا سۋعا باتقان «يندياناپوليس» اتتى كرەيسەر جاپونيادان قۇپيا مىندەت وتەپ قايتقان جولىندا جاپون سۋ استى سوعىس كەمەسى جاعىنان سۋعا باتىرىلعان. جاقىندا فيليپپين تەڭىزىندەگى 5500 مەتر تەرەڭدىكتەن كەمەنىڭ قالدىقتارى تابىلدى. بۇل تۋرالى «The New York Times» باسىلىمىنىڭ ونلاين قىزمەتى حابارلادى.

دەرەكتەرگە سۇيەنسەك، كەمەدە 1200 اسكەري قىزمەتكەر بولعان. ولاردان تەك 316 ادام عانا امان قالعان. وزگەسى قازا تاپقان. كەمە ىشىندە قالعاندارىنان وزگەسى اكۋلالار مەن بالىقتاردىڭ جەمىنە اينالعان دەلىنەدى دەرەكتەردە. بۇل اقش تەڭىز اسكەري كۇشتەرىنىڭ تاريحىنداعى ەڭ ءبىر قاندى وقيعالاردىڭ ءبىرى بولىپ قالدى.

«يندياناپوليسكە» سول جولى حيروسيماعا تاستالعان اتوم بومباسىنىڭ بولشەكتەرىن امەريكانىڭ تىنىق مۇحيتتاعى تينيان ارالىنا جەتكىزۋ تۋرالى قۇپيا مىندەت جۇكتەگەن. ول اتوم بومباسىنىڭ بولشەكتەرىن جەتكىزىپ بەرگەننەن 4 كۇن وتكەندە، مىڭداعان ادامنىڭ جانىن جالماعان اتوم بومباسى حيروسيماعا تاستالىپتى. قۇپيا تاپسىرمانى ورىنداپ، جاپون ارالدارىنان الىستاپ تىنىق مۇحيتىنا شىققان كەزدە جاپونيانىڭ سۋ استى سوعىس كەمەسى بايقاپ قالىپ، شابۋىل جاساعان. كەمە بار جوعى 12 مينۋت ىشىندە سۋعا شوگىپ، عايىپ بولعان.

“The Qazaq Times”