بارسەلوناداعى تەراكتىگە قاتىسى بار ادام ىزدەستىرىلىپ جاتىر

يسپانيانىڭ بارسەلونا قالاسىندا حالىق جينالعان ورىنعا قاراي جۇك كولىگىن باعىتتاپ، 13 ادامنىڭ قازاسىنا سەبەپكەر بولعان جۇرگىزۋشى ىزدەستىرىلىپ جاتىر. بۇل تۋرالى Reuters اقپارات اگەنتتىگى جازدى.

كاتالونيانىڭ جاعالاۋلارى جاز مەزگىلىندە تۋريستەر اراسىندا ەرەكشە تانىمالدىلىققا يە ورىنداردىڭ ءبىرى. قازا تاپقان 13 قۇرباننىڭ قاي ەلدىڭ ازاماتتارى بولعانى انىقتالىپ جاتىر. تولىق راستالماعان مالىمەت بويىنشا، ولاردىڭ قاتارىندا 3 يسپان، 2 يتاليالىق، 1 بەلگيالىق جانە 1 امەريكالىق ازامات بولۋى مۇمكىن.

ساراپشىلاردىڭ پىكىرىنشە، سوڭعى 13 ايدا تەررورلىق ارەكەت ۇيىمداستىرۋشىلارى حالىقتى كولىكپەن سوعۋ ءتاسىلىن ءجيى پايدالانىپ ءجۇر. اتالعان مەرزىم ىشىندە گەرمانيا، يسپانيا، فرانتسيا، ۇلىبريتانيا جەرىندە كولىك قولدانۋ ارقىلى  بولعان ءارتۇرلى قايعىلى وقيعالار كەزىندە 130-عا جۋىق ادام كوز جۇمعان.

بۇگىن يسپانيا بيلىگى ەلدەگى توتەنشە جاعدايدى قاتاڭداتۋعا بايلانىستى شەشىم شىعارادى. ەگەر قاۋىپسىزدىكتىڭ ەڭ جوعارعى دەڭگەيىن قامتاماسىز ەتۋ تۋرالى ۇسىنىس ماقۇلدانسا، وندا قالا كوشەلەرىندەگى پوليتسەيلەردىڭ قىزمەتىنە كومەك كورسەتۋگە مەملەكەت اسكەرى  قوسىلادى.

“The Qazaq Times”