فوتو: ينتەرفاكس

يسپانيا پوليتسياسى بارسەلونا قالاسىنا جاسالماق بولعان تاعى ءبىر تەررورلىق شابۋىلدىڭ الدىن الدى، دەپ حابارلايدى ۆۆس اقپارات قىزمەتى.

يسپانيا پوليتسياسى ارنايى وپەراتسيا بارىسىندا بارسەلونانىڭ وڭتۇستىك-باتىسىندا ورنالاسقان كامبريلس قالاشىعىندا لاڭكەستىك شابۋىل جاساماق بولعان ءتورت تەرروريستىڭ كوزىن جويىپ، بىرەۋىن جارالاعان.

جەرگىلىكتى بۇقارالىق اقپارات قۇرالدارىنىڭ مالىمەتىنشە، لاڭكەستىك شابۋىل جاساماق بولعان ازاماتتتار بۇنىڭ الدىندا تامىزدىڭ 17-سىنەن 18-نە قاراعان ءتۇنى كامبريلستە اۆتوكولىكپەن بىرنەشە ادامدى قاعىپ جاراقاتتاعان. ەl Pais باسىلىمىنىڭ حابارلاۋىنشا، كامبريلس پوليتسياسى لاڭكەستەر مىنگەن اۆتوكولىككە جارىلعىش زات ورناتىلۋى مۇمكىن دەگەن كۇدىكپەن ءتىنتۋ جۇمىستارىن جۇرگىزبەگەن.

ەستەرىڭىزگە سالايىق، كامبريلس وقيعاسىنان 5-6 ساعات بۇرىن بارسەلونا قالاسىندا بەلگىسىز ازاماتتار اۆتوكولىكپەن جولدىڭ جاياۋ جۇرگىنشىلەر جولاعىنا شىعىپ، 500 مەتر بويى الدىنان شىققان ادامداردى تاپتاپ وتكەن. سالدارىنان 100-دەن اسا ادام جاراقات الىپ، 13 ادام كوز جۇمعان ەدى. كەيىننەن بارسەلونا پوليتسياسى بۇل وقيعانى تەررورلىق شابۋىل دەپ مالىمدەگەن.

“The Qazaq Times”