قر پرەزيدەنتى نۇرسۇلتان نازارباەۆ. فوتو: akorda.kz

نۇرسۇلتان نازارباەۆ اقمولا وبلىسىنىڭ بۋراباي كەنتىندە «حابار» تەلەارناسىنا سۇحبات بەردى. سۇحبات بارىسىندا مەملەكەت باسشىسى لاتىن الىپبيىنە كوشۋ ماسەلەسىنە توقتالدى. 

"لاتىن الىپبيىنە كوشۋ ورىس تىلىنەن نەمەسە كيريلليتسادان باس تارتۋ دەگەن ءسوز ەمەس. ورىس تىلىندە شىعاتىن بارلىق باسىلىمدار بۇرىنعىداي شىعا بەرەدى، ياعني قازاقستاننىڭ  ورىس ءتىلدى ازاماتتارى ءۇشىن كيريلليتسا قالادى", - دەدى پرەزيدەنت سۇحبات بارىسىندا.

اقوردانىڭ ءباسپاسوز قىزمەتىنىڭ مالىمەتىنشە، پرەزيدەنت بۇدان بولەك حالىقارالىق «ەكسپو-2017» مامانداندىرىلعان كورمەسىن وتكىزۋدىڭ ماڭىزدىلىعىنا توقتالىپ، ونىڭ جۇمىسى اياقتالعاننان كەيىن كەشەن نىساندارىن پايدالانۋ جوسپارى تۋرالى وي بولىسكەن.

سونداي-اق، نۇرسۇلتان نازارباەۆ وتاندىق ءتۋريزمدى دامىتۋدىڭ پەرسپەكتيۆالارى جانە وڭىرلەردەگى مادەني-تۋريستىك كلاستەردىڭ قالىپتاسۋى جونىندە اڭگىمەلەدى.

سۇحباتتىڭ تولىق نۇسقاسى دۇيسەنبى كۇنى ساعات 21:30-دا "حابار" ارناسىنان كورسەتىلەدى.

“The Qazaq Times”