ماسكەۋدەگى ءورت. فوتو: whereisrusnivek.com.

ماسكەۋ قالاسىندا ۇلكەن ءورت بولدى. ماسكەۋ توتەنشە جاعدايلار دەپارتامەنتىنىڭ حابارىنا قاراعاندا 17 تامىزعا قاراعان كۇنى كەشتە تۋىنداعان ءورت قالانىڭ 15 مىڭ شارشى مەتر اۋماعىن شارپىعان. بۇل تۋرالى «شينلاڭ» اقپاراتتىق سايتى حابارلاپ وتىر.

«سپۋتنيك» اقپاراتتىق اگەنتتىگىنىڭ حابارلاۋىنشا، ءورت ماسكەۋ قالاسىنىڭ سولتۇستىگىندەگى بوياۋ وندىرەتىن كاسىپورىننىڭ ءبىر قويماسىنان شىققان. سونداعى جيھازدار مەن بوياۋلاردان شىققان ءورت، ءاپ-ساتتە تۇتاس قويمانى جالىنعا وراپ، ماڭىنداعى عيماراتتاردى دا شارپىعان.

جەرگىلىكتى توتەنشە جاعدايلار دەپارتامەنتى 80-نەن اسا ءورت ءسوندىرۋشى جانە وزگە تەحنيكالىق كومەك كورسەتۋگە 30-دان اسا ادامدى جۇمىلدىرعان. ءورت ءسوندىرۋشى كولىكتەرمەن قوسا ەكى تىك ۇشاقتى دا اپاتتى جاعدايدى بىرجاقتى ەتۋگە جۇمساعان. ازىرگە دەيىن، زارداپ شەككەندەر مەن زاتتىق شىعىندار تۋرالى ناقتى مالىمەتتەر تاراتىلماعان.

“The Qazaq Times”