فوتو: Forbes

قازاقستان جولداردى جوندەۋ جۇمىستارىنا كەتەتىن شىعىنداردى 60 پايىزعا ارتتىرعان. شىعىنداردىڭ ارتۋى جۇمىس كولەمىنىڭ كوپ بولۋىمەن بايلانىستى. ال جاقسى جولداردىڭ ۇلەسىن 48 پايىزعا دەيىن جەتكىزۋ ءۇشىن رەسپۋبليكالىق تراسسالاردى جوندەۋ جۇمىستارىنا 73 ملرد تەڭگە بولىنگەن. 

بيىل مەلمەكەتتىك سەكتور 2400 شاقىرىمعا جۋىق اۋداندىق، وبلىستىق، رەسپۋبليكالىق جولداردى ورتاشا جانە كۇردەلى جوندەۋ جۇمىسىنان وتكىزۋدى جوسپارلاعان. ال بۇل وتكەن جىلعى جۇمىس كولەمىنەن 63 پايىزعا ارتىق.

Energyprom اگەنتتىگىنىڭ مالىمەتىنشە، وتكەن جىلمەن سالىستىرعاندا جول جوندەۋ جۇمىستارىن قارجىلاندىرۋ 60 پايىزعا ارتىپ، 160,7 ملرد تەڭگەنى قۇراعان. ونىڭ ىشىندە 73,4 ملرد تەڭگە رەسپۋبليكالىق ماڭىزى بار جولدارعا بولىنەدى (وتكەن جىلعا قاراعاندا 55 پايىزعا ارتىق).

ال وبلىستىق جانە اۋداندىق اۆتوجولداردى جوندەۋ جۇمىستارىنا 71,1 ملرد تەڭگە جۇمسالادى جانە بۇل دا وتكەن جىلعا قاراعاندا 55 پايىزعا جوعارى.

ەلدى مەكەندەردەگى جولداردى ورتاشا جانە كۇردەلى جوندەۋدەن وتكىزۋ ءۇشىن 8,6 ملرد تەڭگە بولىنەدى ء(وسىم 73 پايىز).

2017 جىلدىڭ باسىنان بەرى اۆتوجولداردىڭ 44 پايىزىنىڭ جاعدايى جاقسى دەپ ەسەپتەلسە، 41 پايىزى قاناعاتتانارلىق، 15 پايىزى ناشار دەپ باعالانعان.

ال جاعدايى جاقسى رەسپۋبليكالىق ماڭىزى بار جولدار قىزىلوردا وبلىسىنا تيەسىلى. بۇل وڭىردەگى جولداردىڭ 72 پايىزى جاقسى. ال كەم-كەتىگى بار جولدار اتىراۋ جانە الماتى وبلىستارىندا.

Energyprom مالىمەتى بويىنشا  جاعدايى جاقسى جانە قاناعاتتانارلىق جولداردىڭ ۇلەسىن 2018 جىلعا قاراي 67 پايىزعا، 2019 جىلىى 68 پايىزعا، 2020 جىلى 69 پايىزعا جەتكىزۋ جوسپارلانعان.

ايتا كەتەيىك، قازىرگى كەزدە بارلىق وڭىرلەردە رەسپۋبليكالىق ماڭىزى بار جولدارمەن قوسا كىشىگىرىم كوشە جولدارىنا دەيىن جوندەۋ جۇمىستارى ءجۇرىپ جاتىر. الايدا بۇل جوندەۋ جۇمىستارىنىڭ ۋاقىتىندا بىتپەۋى اسىرەسە، قالا تۇرعىندارىنىڭ اشۋىن تۋعىزىپ وتىر.