وزبەكستان ورتالىق ازيا ەلدەرىنە سىرتقى ساياساتتاعى ۇستانىمدارىن تانسىترادى - دەپ مالىمدەدى وزبەكستان سىرتقى ىستەر مينيسترلىگىنىڭ ءباسپاسوز قىزمەتى.

وزبەكستان سىرتقى ىستەر مينيسترلىگىنىڭ حابارلاۋىنشا، تامىزدىڭ 11-ءى كۇنى ءسىم-گى تاشكەنتتە ەقىۇ (وبسە) جانە بىرىككەن ۇلتتار ۇيىمىنىڭ دامۋ باعدارلاماسىمەن بىرلەسىپ، «وزبەكستاننىڭ ورتالىق ازياداعى باستى ساياسي ۇستانىمدارى» اتتى كونفەرەنتسيا وتكىزەتىن بولادى.

فورۋم بارىسىندا ۇيىمداستىرۋشىلار كوپشىلىككە وزبەكستاننىڭ الداعى ۋاقىتتا ورتالىق ازيا ەلدەرىمەن قانداي قارىم-قاتىناس ورناتاتىندىعى جانە وڭىردەگى قاۋىپسىزدىك پەن دامۋدى قامتاماسىز ەتۋ ءۇشىن وزبەكستان قانداي قادامدار جاسايتىندىعى جايىندا ايتىلادى دەپ كۇتىلۋدە.

كونفەرەنتسياعا وزبەكستان پارلامەنتىنىڭ دەپۋتاتتارى، ورتالىق ازيا ەلدەرىنىڭ ساراپشىلارى مەن ساياساتتانۋشىلارى، كورشى ەلدەردەگى وزبەكستان رەسپۋبليكاسىنىڭ ەلشىلەرى قاتىساتىن بولادى.

ايتا كەتەتىن ءبىر جايت وزبەكستاندا بيلىك باسىنا شاۆكات ميرزيەەۆ كەلگەلى بەرى رەسمي تاشكەنتتىڭ سىرتقى ساياساتتاعى ۇتانىمدارى وزگەرگەن. يسلام كارىموۆتىڭ كەزىندە جابىق ەسىك ساياساتىنا باسىمدىق بەرگەن وزبەكستان بيلىك جۇيەسى، ميرزيەەۆ كەلگەلى ىشكى جانە سىرتقى ساياساتىن تۇبەگەيلى وزگەرتۋگە كىرىسكەن.

“The Qazaq Times”