اۋعانىستاندا تاعى دا جارىلىس بولدى

اۋعانىستاننىڭ گەرات پروۆينتسياسىنداعى مەشىت ماڭىندا تەررورلىق اكت ورىن الدى. ءال-جازيرا تەلەارناسىنىڭ حابارلاۋىنشا، ەكى دجيحادشى مەشىتتىڭ الدىنا كەلىپ، جانكەشتىلەردىڭ ءبىرى جارىلعىش زاتتار ورناتىلعان كيىمدى كيىپ، ءوزىن جارىپ جىبەرگەن. 

اۋعانىستاننىڭ ىشكى ىستەر مينيسترلىگىنىڭ ءباسپاسوز حاتشىسى نادجيب دانيش اقپاراتتى راستاپ، APF اقپاراتتىق اگەنتتىگىنە جولداعان حابارلاماسىندا: "گەراتتاعى مەشىت قاقپاسىنىڭ الدىندا جارىلىس بولدى", - دەپ مالىمدەگەن.

اتالعان قايعىلى وقيعا سالدارىنان  30 ادام جارالانىپ، اۋرۋحاناعا جەتكىزىلدى. تەررورلىق اكتىنى جاساعان ەكى دجيحادشى دا وقيعا ورنىندا كوز جۇمدى. وسىدان بۇرىن، كابۋلداعى يراك ەلشىلىگىنىڭ الدىندا تەرروريست ءوزىن-ءوزى جارىپ، 2 ادام مەرت بولعان ەدى. ول كەزدە تەرراكتىنى "يسلام مەملەكەتى لاڭكەستىك ۇيىمى ءوز مويىندارىنا العان. بۇل جولعى جارىلىستىڭ ۇيىمداستىرۋشىلارى ءالى بەلگىلى بولعان جوق.

“The Qazaq Times”