قىتايداعى IPhone تەلەفونى. فوتو: taigjailbreak.org.

قىتاي Apple كومپانياسى (Apple Inc.، AAPL) ءۇشىن الەمدەگى ەڭ ۇلكەن بازار سانالادى. Apple كومپانياسىنىڭ قىتايداعى تابىسى وسىعان دەيىن امەريكاداعى تابىسىنان الدە نەشە ەسە كوپ بولىپ كەلدى. قىتايلىقتار ءۇشىن Apple تەلەفوندارى برەند رەتىندە سانالدى. الايدا، بيىل Apple كومپانياسىنىڭ ونىمدەرى قىتايدىڭ وتاندىق ونىمدەرى الدىندا جەڭىلدى. كومپانيانىڭ جان-جاقتى جۇرگىزگەن زەرتتەۋىنىڭ قورىتىندىسى Iphone تەلەفوندارىنىڭ باستى قارسىلاسى قىتاي وندىرگەن تەلەفوندار ەمەس، قايتا Wechat الەۋمەتتىك جەلىسى دەپ تۇراقتاندىردى.

The Wall Street Journal باسىلىمىنىڭ حابارىنا قاراعاندا، Apple ونىمدەرى مەن قىتايدا وندىرىلگەن Huawei, Oppo, Vivo, MI تەلەفوندارىمەن سالىستىرعاندا ءوتىمى ازايعان. وعان سەبەپ – قازىر قىتايداعى ەلەكتروندى تولەم جۇيەسى ۆيچات (Wechat) الەۋمەتتىك جەلىسىنە قوسىلعان. قىتايدا وندىرىلگەن تەلەفوندار مۇنداي ەلەكتروندى تولەمدەرگە Apple تەلەفوندارىنا قاراعاندا كوبىرەك قولايلى بولىپ شىققان.

قىتايدا Apple كومپانياسىنىڭ ساتىلىمى تومەندەدى. فوتو: The Wall Street Journal.

ال، قازىرگى كەزدە قىتايلىقتار كەز كەلگەن ورىندا قاعاز اقشادان كورى ەلەكتروندى تولەمدى پايدالانعاندى وڭاي ءارى قاۋىپسىز دەپ سانايدى. كەز-كەلگەن ساۋدا دۇكەندەرىندە، قوعامدىق كولىكتەر، قىزمەت كورسەتۋ ورىندارىنىڭ بارىندە قويىلعان QR كودتارىنان پايدالانىپ، اقى تولەي الادى. بۇل قىتايداعى Apple كومپانياسىنىڭ بازارىن تارىلتىپ وتىر.

“The Qazaq Times”