فوتو: voachinese.com

اقش قىتايلىق ەۋروپا ەلدەرىن Huawei كومپانياسىن جەرگىلىكتى 5G جەلىسىنىڭ قۇرىلىسىنا قاتىسۋىن شەكتەۋگە شاقىردى. رەسمي ۋاشينگتون Huawei بۇل جوباعا قاتىسار بولسا، ناتو قاۋىپسىزدىگىنە قاۋىپ تونەدى دەپ ەسكەرتتى.

اقش مەملەكەتتىك دەپارتامەنتىنىڭ ەكونوميكالىق دامۋ، ەنەرگەتيكا جانە قورشاعان ورتانى قورعاۋ جونىندەگى مەملەكەتتىك حاتشىسىنىڭ ورىنباسارى كيت كراچ بيىل العاش ساپارىن ەۋروپاعا جاساپ، كارى قۇرلىققا جوعارىدا اتالعان ەسكەرتۋدى جاسادى. قازىرگى ۋاقىتتا گەرمانيا مەن يتاليا Huawei-گە جاڭا بۋىن بايلانىس جەلىسىن سالۋعا رۇقسات بەرۋ ماسەلەنى قاراستىرۋدا.

كراچ گەرمانيادا مارشالل قورى ۇيىمداستىرعان ءىس-شاراعا قاتىسىپ، Huawei «قىتايدىڭ ادام قۇقىعىن بۇزۋ قۇرالى» ەكەنىن جانە «جاڭا تەحنولوگيا بويىنشا كومۋنيستەرگە جۇمىس جاسايتىنىن» اتاپ ءوتتى. ول ەۋروپا ەلدەرىنە تەك فينليانديالىق Nokia جانە شۆەتسيانىڭ Ericsson كومپانيالارىنىڭ ونىمدەرىن پايدالانۋعا كەڭەس بەردى.

كراچ: «Huawei جانە ZTE سياقتى سەنىمسىز جانە قاۋىپتى قىتايلىق كومپانيالارعا  ينفراقۇرىلىمنىڭ ماڭىزدى بولىگىن بەرۋ، قارۋ-جاراقپەن قامتاماسىز ەتۋ نەمەسە قىتايلىق اسكەريلەرگە تەحنولوگيا جەتىستىكتەرىن بەرگەنمەن بىردەي»،- دەدى.

كراچ بۇل ماسەلەنى گەرمانيا ۇكىمەت باسشىلارمەن جانە بيزنەسمەندەرمەن تالقىلاعان، سونىمەن قاتار Huawei-ءدى بەيجىڭنىڭ گونكونگ ساياساتى مەن شىڭجاڭداعى گەنوتسيد ساياساتىمەن بايلانىستىردى.

ەۋروپا ەلدەرىنەن ۇلىبريتانيا مەن فرانتسيا Huawei كومپانياسىنا تىيىم سالعان بولاتىن.

"The Qazaq Times"