گەرمانيا تەلەكوممۋنيكاتسيا سالاسىنداعى قاۋىپسىزدىكتى ارتتىرۋ ماقساتىندا جاڭا زاڭ شىعارۋدى جوسپارلاپ وتىر. بۇل رەتتە باستى نازارعا قىتايلىق Huawei كومپانياسى الىنباق.
گەرمانيادا قابىلدانعان جاڭا زاڭ كۇشىنە ەنسە، Huawei كومپانياسى ەلدەگى 5G جەلىسىنەن شەتتەتىلىپ، قىتاي كومپانياسى ءىرى تەلەكوممۋنيكاتسيالىق جوبالارعا قاتىسا الماي قالادى. بۇنداي زاڭعا گەرمانيا كانتسلەرى الداعى اپتادا قول قويادى دەپ كۇتىلۋدە.
نەمىس تەلەكوممۋنيكاتسيا جەلىسىنىڭ قاۋىپسىزدىگىن كۇشەيتىدى كوزدەگەن زاڭ جوباسىن بۇعان دەيىن سىرتقى ىستەر مينيسترلىگى، ىشكى ىستەر مينيسترلىگى، ەكونوميكا مينيسترلىگى جانە باسقا دا ۆەدومستۆولار ماقۇلداعان بولاتىن. سوندايا-اق، نەمىس باق-ى بۇل زاڭ جوباسىنىڭ ماقۇلداۋىنا گەرمانيانىڭ بارلاۋ قىزمەتىنىڭ دە ىقپالى بولعانىن اجازۋدا. Deutsche Welle گەرمانيا فەدەرالدىق بارلاۋ باسقارماسى Huawei كومپانياسىنا بايلانىستى بىرنەشە رەت الاڭداۋشىلىق بىلدىرگەن ەدى.
اتالعان زاڭ جوباسى قىتايلىق تەلەكومۋنيكاتسيا الىبىن تەك 5G جەلىلەرىمەن شەكتەپ قانا قويماي، بۇعان دەيىن ورناتىلعان Huawei جابدىقتارىن پايدالانۋدى دا شەكتەۋى مۇمكىن.
شىلدە ايىندا ەۋروكوميسسيا تۇتاس ەو ەلدەرىن Huawei جابدىقتارىنان باس تارتۋعا ناسيحاتتاعان بولاتىن. سوعان ساي، بريتان تارابى Huawei-گە قاتىستى شەكتەۋ شارالارىن شىلدە ايىندا قابىلداسا، فرانتسيا دا كوپ وتپەي قىتاي كومپانياسىنىڭ قىزمەتتەرىنە شەكتەۋ قويا باستادى.
ال وتكەن اپتادا ريمگە ساپارى كەزىندە اقش مەملەكەتتىك حاتشىسى پومپەو قىتايلىق "حۋاۆەي" يتاليانىڭ ۇلتتىق قاۋىپسىزدىگى مەن ازاماتتارىنىڭ ومىرىنە قاۋىپ توندىرەتىنىن ەسكەرتىپ كەتتى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟