اقش يراننىڭ اسكەري ورتالىقتارىن تەكسەرۋدى تالاپ ەتتى

ترامپ ۇكىمەتى يراننىڭ اتوم قۋاتى تۋرالى حالىقارالىق اتوم قۋاتى اگەنتتىگىنە شاعىم بەرىپ، يراننىڭ اسكەري ماڭىزدى ورتالىقتارىن تەكسەرۋ تۋرالى ءوتىنىش جولداعان. بۇل يرانداعى جانە اقش-تا تۇراتىن يراندىقتاردىڭ نارازىلىعىن تۋدىرىپ، ۋاشينگتون بيلىگىن «ورتاق قادام» كەلىسىمىنەن شىعۋ ءۇشىن سىلتاۋ ىزدەپ وتىر دەپ ايىپتادى. بۇل تۋرالى Associated Press حابارلاپ وتىر.

اقش ۇكىمەتى جاڭا سانكتسيا جوباسىنا رەسەي، يران جانە سولتۇستىك كورەيا قاتارلى ەلدەردى كىرگىزىپ، اتالعان ءۇش ەلگە باعىتتالعان سىرتقى ساياساتىن وزگەرتتى. يرانعا قاراتقان سانكتسيانىڭ ۇستىندە، ترامپ ۇكىمەتى يراننىڭ اتوم قۋاتىن انىقتاۋ ماقساتىندا ماڭىزدى اسكەري بازالارى مەن قولباسشىلىق ورتالىقتارىنا تەكسەرۋ جۇرگىزۋدى ءوتىنىش ەتىپ وتىر.

شىعاناق ەلدەرى اراسىندا جانە ورتا-شىعىستا يراننىڭ ىقپال كولەمىنىڭ ارتىپ كەتپەۋىن باس قاداعالايتىن اقش ءۇشىن بارلىق شارالارعا دايىن بولىپ كەلەدى. يران يسلام رەۆوليۋتسياسىنان كەيىن ەكى ەل اراسىندا ورناعان قايشىلىق، 40 جىلدان بەرى ءبىر تولاستاماي كەلەدى. ەگەر اقش وسى ءوتىنىشى بويىنشا يراندى اسكەري جاقتان تەكسەرۋ جاسار بولسا، بۇل ورتا شىعىستاعى بولعالى تۇرعان ۇلكەن ساياسي تولقۋدى تۋدىرارى ءسوزسىز.

“The Qazaq Times”