ترامپ كونگرەسس الدىندا دارمەنسىز، رەسەي الدىندا ىڭعايسىز كۇيدە قالدى

اقش كونگرەسى ماقۇلداپ بەكىتكەن رەسەيگە قاراتىلعان جاڭا سانكتسيا جوباسى، اقش پرەزيدەنتى دونالد ترامپتى ماسكەۋگە قاراتا قاتاڭ ۇستانىمعا ماجبۇرلەيدى. ولاي بولماعان كۇندە ترامپ قولداۋشىلارى مەن ونىڭ رەسەيشىل كوماندالاستارى اراسىندا ساياسي جارىلىس تۋىلۋى مۇمكىن دەپ بولجانۋدا. بۇل تۋرالى «The New York Times» باسىلىمى ساراپتاما جاساعان بولاتىن.

98 داۋىستىڭ قولداۋىمەن، ەكى داۋىستىڭ قارسى شىعۋىمەن ماقۇلدانعان رەسەي، يران جانە سولتۇستىك كورەياعا قاراتىلعان جاڭا سانكتسيا جوباسى اقش-تىڭ سىرتقى ساياساتىندا جاڭا وزگەرىستەر الىپ كەلگەلى تۇر. جاڭا زاڭ ەرەجەسى بويىنشا پرەزيدەنت ترامپ رەسەيگە باعىتتالعان سانكتسيانى توقتاتۋ قۇقىعى شەكتەلگەن. سوندىقتان دا قازىرگى كەزدە ۋاشينگتونداعى ترامپتىڭ كوماندالاستارى رەسەيمەن كووپەراتيۆتى ديپلوماتيالىق قاتىناستار ورناتۋعا تىرىسادى. وسىعان دەيىن كونگرەسكە جاڭا جوبانى كوبىرەك تالقىلاپ، باياۋ شەشىم شىعارۋعا تىلەك بىلدىرگەن ترامپ، ەندىگى جەردە رەسەي تۋرالى ءوزىنىڭ دە جاڭا شەشىم جاساۋىنا تۋرا كەلدى.

سونىمەن، قالىپتاسقان جاعداي اقش پرەزيدەنتىن ىرىقسىز كۇيدە قالدىرىپ قويدى. اقش ورتالىق بارلاۋ باسقارماسى بولسا رەسەيدى 2016 جىلى اقش پرەزيدەنت سايلاۋ ىسىنە ارالاسقان دەپ ءبىر اۋىزدان جازباي وتىر. ترامپتىڭ پرەزيدەنت تاعى ءۇشىن ەڭبەك ەتكەن جاقتاستارىنان فەدەرالدىق بارلاۋ باسقارماسى تاراپىنان تەرگەۋگە الىنىپ جاتقاندارى تاعى بار.

وتكەن اپتانىڭ سوڭىندا اقۇيدىڭ جاڭا مالىمدەمەشىسى كونگرەسس شەشىمىنەن كەيىن ترامپ جاڭا جوباعا قول قوياتىنىن ايتقان بولاتىن. دەگەنمەن، سودان بەرى ترامپ ۇكىمەتتەن ءتۇرلى سەبەپتەرمەن جالتارىپ كەلەدى. ول بۇل باعالاۋدىڭ قايتا قارالۋ كەرەك ەكەنىن بىرنەشە رەت ايتىپتى.

“The Qazaq Times”