![](https://qazaqtimes.com/kk/content/uploads/2018/10/Dl39iEWU0AAPekd-800x480.jpg?token=dfc453bc737388a76612d19d5865aebf)
اقش پرەزيدەنتى دونالد ترامپ كەزەكتى ءبىر مالىمدەمەسىندە، سولتۇستىك كورەيامەن سانكتسيالاردى جەڭىلدەتۋ تۋرالى كەلىسسوزگە اسىقپايتىنىن ءبىلدىردى. سارسەنبى كۇنگى ءباسپاسوز جيىنىندا ترامپ: «مەن سانكتسيالاردى الىپ تاستاۋدى قالايمىن. بىراق، ولار دا (سولتۇستىك كورەيا) وسىعان لايىق جاۋاپ بەرۋى كەرەك. بۇل ەكى قوس باعىتتاعى جول سەكىلدى»، – دەدى.
ترامپ جۋرناليستەرگە، ءوز ۇكىمەتىنىڭ سولتۇستىك كورەيامەن ديالوگ ىسىندە وسىعان دەيىنگى ۇكىمەتتەر جەتە الماعان تابىسقا جەتكەنىن اتاپ كورسەتتى. ول جانە كەلەسى جىلدىڭ باس شەنىندە سولتۇستىك كورەيانىڭ ەڭ جوعارى باسشىسى كيم جوڭ ۋن مەن ەكىنشى رەت كەلىسسوز وتكىزۋدى جوسپارلاپ وتىرعانىن، مەملەكەتتىك حاتشى پومپەو مەن كيم ياڭ اراسىندا دا كەزدەسۋدىڭ بولاتىنىن ءبىلدىردى.
ترامپتىڭ مالىمدەمەسىنەن بىرنەشە ساعات بۇرىن، سولتۇستىك كورەيا باسشىسىنىڭ كەڭەسشىسى كيم ياڭ مەن پومپەو اراسىنداعى بەيسەنبى كۇنى وتۋگە ءتيىستى كەزدەسۋ كۇشىنەن قالدىرىلعانى ءمالىم بولعان. مالىمەتتەرگە قاراعاندا كەزدەسۋدى كەيىنگە قالدىرۋ اقش مەملەكەتتىك دەپارتامەنتى جاعىنان تالاپ ەتىلگەن. الايدا، مەملەكەتتىك دەپارتامەنت بۇل تۋرالى تولىق تۇسىنىك بەرمەدى.
دەگەنمەن، ترامپ ۇكىمەتى الداعى ۋاقىتتا سولتۇستىك كورەيامەن كەلىسسوزدەردىڭ تۋرا باعىتتا داميتىنىن ايتادى.