شىلدەنىڭ 25 كۇنى ورال قالالىق سوتىندا «شەيح حاليل» قايرات ابدۋجابباروۆتىڭ سوتىنىڭ تىڭدالىمى بولدى.

42 جاستاعى قايرات داۋكەنوۆ 2003 جىلى اتىراۋ، ورال، اقتوبە قالالارىنىڭ مەشىتتەرىندە ۋاحابيزم، تاكفريزم يدەيالارىن ناسيحاتتاعان. ول ناماز وقىمايتىن مۇسىلمانداردى كاپىرلەر دەپ اتاپ، مەشىتكە كەلۋشىلەردى جيھادقا شاقىرعان.

ابدۋجابباروۆتى ۇلتتىق قاۋىپسىزدىك كوميتەتىنىڭ سۇراۋىمەن 2017 جىلدىڭ اقپان ايىندا ساۋد ارابياسىنان ەكستراديتسيالاعان بولاتىن. قايرات داۋكەنوۆ قازاقستانعا جەتكىزىلگەنەن كەيىن، ۇقك وعان اتىراۋ، ورال، اقتوبە قالالارىندا راديكالدى باعىتتاعى توپتار قۇرىپ، ەل اۋماعىندا تەررورلىق شابۋىلدار جاساپ، اۋعانستان مەن سۇرياعا ادامدار جىبەردى دەگەن ايىپ تاققان.

قازىرگى تاڭدا قايرات ابدۋجابباروۆتىڭ ۇستىنەن قر قىلمىستىق كودەكسىنىڭ «ءدىني الاۋىزدىق تۋعىزۋ»، «تەرروريزمدى ناسيحاتتاۋ» باپتارى بويىنشا قىلمىستىق ءىس قوزعالعان. كەلەسى سوت وتىرىسى تامىزدىڭ 1 كۇنى بولادى. ابدۋجابباروۆ ءىسى بويىنشا 100-گە جۋىق ادام كۋاگەر رەتىندە قاتىسۋدا.

“The Qazaq Times”