اقش-يران قارۋلى كەمەلەرى كەزدەسىپ قالدى، اقش كەمەسى الدىمەن وق اتتى

اقش تەڭىز اسكەري كەمەسى يراننىڭ پاترۋلدىك كەمەلەرىمەن قاقتىعىسىپ قالا جازداعان. ەكى ەلدىڭ قارۋلى كەمەلەرى ءبىر-بىرىنە 130 مەتر اينالاسىنداعى ارالىققا دەيىن جاقىن كەلگەن. CNN ارناسىنىڭ كەشە كەشكى حابارىنا قاراعاندا، 25 شىلدە كۇنى اقش تەڭىز اسكەري كەمەسىنىڭ ءبىرى پارسى شىعاناعىنىڭ سولتۇستىگىندە يراننىڭ قارۋلى پاترۋلدىك كەمەسىمەن كەزدەسىپ قالعان. مۇنى اقش-تىڭ ەكى قورعانىس شەنەۋنىگى راستاعان. مالىمەت بويىنشا اقش سوعىس كەمەسى الدىمەن ەسكەرتۋ وعىن اتقان.

اقش قورعانىس شەنەۋنىكتەرىنىڭ سوزىنە قاراعاندا، اقش كەمەسىمەن سوقتىعىسا جازداعان بۇل يراندىق كەمە يران رەۆوليۋتسيالىق ۇلانعا تيەسىلى پاترۋلدىك قايىق ەكەن. سول كەزدە ەكى كەمە ارالىعى 137 مەتر عانا بولعان. ولاردىڭ ايتۋىنشا، يران پاترۋلدىك قايىعى اقش سوعىس كەمەسىنە جاقىن كەلگەنشە راديو قوڭىراۋلارىن قامتىعان ەشقانداي ەسكەرتۋ بەلگىسىن بەرمەگەن. سوڭىندا، اقش اسكەري كەمەسى الدىمەن ەسكەرتۋ وعىن اتۋعا ءماجبۇر بولعان.

حالىقارالىق ەرەجە بويىنشا، سوعىس كەمەلەرى كەزدەسىپ قالعاندا، قاقتىعىستىڭ الدىن الۋ ءۇشىن ەسكەرتۋ وعى اتىلادى. بۇل قاقتىعىستى بولدىرماۋداعى ەڭ سوڭعى جاسالاتىن  شارا بولىپ سانالادى. ەسكەرتۋ وعىنان كەيىن يران قارۋلى پاترۋلدىك قايىعى قوزعالىسىن توقتاتقان. الايدا، اقش كەمەسىنە جاقىن سۋ ايدىنىندا بىرنەشە ساعاتقا دەيىن شارلاۋ جۇرگىزگەن.

“The Qazaq Times”