فوتو: Tengrinews

2016 جىلدىڭ قورىتىندىسى بويىنشا «بايتەرەك» حولدينگىنىڭ جەكە كاپيتالى 943,4 ملرد تەڭگەنى، اكتيۆتەرى - 4 103 ملرد تەڭگەنى، نەسيەلىك جانە ينۆەستيتسيالىق قورجىندارى - 2 908 ملرد تەڭگەنى قۇرادى. بۇل تۋرالى پرەمەر-ءمينيستردىڭ رەسمي سايتى حابارلادى.

مينيسترلەر كابينەتىنىڭ مالىمەتىنشە، حولدينگتىڭ ەكونوميكانىڭ شيكىزاتتىق ەمەس سەكتورلارىن ۇزاق مەرزىمدى نەسيەلەۋگە قوسقان ۇلەسى 57% قۇرادى. 606 ملرد تەڭگە سوماعا 13,2 مىڭ شوب جوبالارىنا قولداۋ كورسەتىلگەن. شوب-تى نەسيەلەۋدىڭ جالپى كولەمىندەگى ۇلەسى 30,5% قۇرادى. بيزنەستى قولداۋعا كورسەتىلگەن شارالار 19,4 مىڭ جاڭا جۇمىس ورنىن قۇرۋعا جانە 76,3 مىڭ جۇمىس ورنىن ساقتاپ قالۋعا مۇمكىندىك بەردى.

حولدينگتىڭ ەنشىلەس ۇيىمدارى 456,5 مىڭ شارشى مەتر تۇرعىن ءۇيدى پايدالانۋعا بەردى جانە 15,3 مىڭ وتباسىن تۇرعىن ۇيمەن قامتاماسىز ەتكەن. 2016 جىلى بەرىلگەن يپوتەكالىق قارىزداردىڭ جالپى كولەمىندە «بايتەرەك» ۇبح» اق ۇلەسى 67%-دى قۇرادى.سونداي-اق، ديرەكتورلار كەڭەسى «بايتەرەك» ۇبح» اق 2014-2023 جىلدارعا ارنالعان دامۋ ستراتەگياسىن ورىنداۋ بويىنشا 2014-2016 جىلداردىڭ قورىتىندىسى بويىنشا ەسەپتى بەكىتتى. ەسەپكە سايكەس، 2016 جىلدىڭ قورىتىندىسى بويىنشا 2013 جىلمەن سالىستىرعاندا اكتيۆتەر 2,2 ەسەگە، نەسيەلىك قورجىن 3 ەسەگە، پايدا 1,5 ەسەگە وسكەن.

ايتا كەتەيىك، قازاقستاننىڭ سىرتقى قارىزى 165 ملرد دوللار شاماسىندا. ال بۇل قارىزدىڭ ەڭ كوپ بولىگى ۇلتتىق كومپانيالار مەن حولدينگتەرگە تيەسىلى. ولاردىڭ قانشا قارىزى بار ەكەنى تۋرالى اقپارات اشىق ەمەس. سوندىقتان ەكونوميستەر بۇل جونىندە ەكونوميكاداعى "ەڭ ۇلكەن قاۋىپ" دەگەندى ايتادى.

“The Qazaq Times”