حالىق بانكتە پروبلەمالى كرەديتتەر كوبەيۋى مۇمكىن - S&P

ء"بىز حالىق بانكتىڭ رەيتينگىن CreditWatch Negative تىزىمىنە قوستىق. ءبىزدىڭ بولجاۋىمىزشا، پروبلەمالى اكتيۆتەرى بار قازكوممەرتسبانك اكتسيالارىن ساتىپ العاننان كەيىن ول حالىق بانكتىڭ كرەديت جۇيەسىنىڭ السىرەۋىنە اسەر ەتەدى. سوندىقتان ىشكى باقىلاۋ جۇيەسىندە ءتيىمدى مەحانيزمدەردى جانە بىرىگەتىن قارجى ۇيىمدارىنىڭ تاۋەكەلدەرىن باسقارۋ جۇيەسىن ەنگىزۋ ءۇشىن باسشىلىق تاراپى قوسىمشا شارالار قابىلداۋ قاجەت ءارى بۇعان ۇزاق ۋاقىت كەرەك بولادى. ال ەكى بانك اراسىنداعى كەلىسىم اياقتالعان سوڭ حالىق بانكتىڭ جالپى پروبلەمالى كرەديت پورتفەلىنىڭ كولەمى (مەرزىمى 90 كۇننەن اسقان كرەديتتەر) 20 پايىزعا دەيىن ۇلعايۋى مۇمكىن", - دەيدى اگەنتتىك.

ايتا كەتەيىك، شىلدەنىڭ باسىندا حالىق بانك ارتىقشىلىقتى ساتىپ الۋ قۇقىعىن جۇزەگە اسىرا وتىرىپ، قازكوممەرتسبانكتىڭ جاي اكتسيالارىنىڭ 96,81% ۇلەسىن نەمەسە 1 296 698 676 داناسىن ساتىپ العان.

“The Qazaq Times”