استانا بيۋدجەت قاراجاتىن يگەرە المادى

"رەسپۋبليكالىق بيۋدجەت شىعىندارى 4 ترلن 406,3 ملرد تەڭگە بولدى جانە 99,2% -عا ورىندالدى. 4,9 ملرد تەڭگە ۇنەمدەلدى. ال يگەرىلمەگەن قارجى كولەمى 30 ملرد تەڭگە جانە بۇل جالپى شىعىن كولەمىنىڭ 0,7 پايىزىن قۇرايدى", - دەدى ول قر ۇكىمەتىنىڭ وتىرىسىندا.

ونىڭ سوزىنشە، قاراجاتتىڭ يگەرىلمەۋىنە قاتىستى جەتكىزۋشىلەر اراسىندا كەلىسىمشارت مىندەتتەرىنىڭ تولىق ورىندالماۋى جانە كونكۋرستاردىڭ ۋاقىتىلى وتكىزىلمەۋى، ءىس-شارالار ۋاقىتىنىڭ ءجيى وزگەرۋى سىندى فاكتىلەر ءجيى كەزدەسەدى.

"وڭىرلەرگە بولىنگەن 474,1 ملرد تەڭگە قارجىنىڭ 96,5 پايىزى يگەرىلدى. يگەرىلمەگەن قارجى كولەمى 15,5 ملرد تەڭگە. بۇل وتكەن جىلدىڭ وسى كەزەڭىنە قاراعاندا 5,5 ملرد تەڭگەگە از. ەڭ كوپ قاراجاتتى يگەرە الماعان استانا قالاسى - 6,3 ملرد تەڭگە. الماتى - 3,6 ملرد تەڭگە، قىزىلوردا وبلىسى - 1,7 ملرد تەڭگە. اقمولا جانە جامبىل وبلىسىندا يگەرىلمەگەن قارجى كولەمى - 1,1 ملرد تەڭگە. قاراجاتتىڭ يگەرىلمەي قالۋىنىڭ باستى سەبەبى - جۇمىستاردىڭ ۋاقىتىلى اتقارىلماۋى جانە كەلىسىمشارتتاردىڭ كەش بەكىتىلۋى", - دەدى ۆيتسە-مينيستر.

بەرىك شولپانقۇلوۆتىڭ سوزىنشە، وڭىرلەردە "نۇرلى جەر" باعدارلاماسى بويىنشا دا 4,5 ملرد تەڭگە يگەرىلمەي قالعان جانە بۇل قاراجاتتىڭ  2,6 ملرد تەڭگەسىن تاعى دا استانا يگەرە الماعان. ءتىپتى 64 رەسپۋبليكالىق بيۋدجەتتىك باعدارلاماعا قاۋىپ ءتونىپ تۇر. سەبەبى وسى باعدارلامالار بويىنشا 119 ملرد تەڭگەگە ەشقانداي كەلىسىم جاسالماعان. ال بۇل مەملەكەتتىك ورگانداردىڭ حالىقارالىق ۇيىمدارمەن جۇمىس ىستەۋگە قۇلىقسىز ەكەنىن كورسەتەدى.

“The Qazaq Times”