سينگاپۋردا پارا بەرمەك بولعان قازاقستان ازاماتشاسى سوتتالدى

سينگاپۋردا پارا بەرمەك بولعان قازاقستان ازاماتشاسى قاماۋعا الىندى دەپ حابارلايدى The Straits Times اقپارات كوزى.

26 جاستاعى قازاقستان ازاماتشاسى ەلەنا كالۋگينانى سينگاپۋر سوتى ينسپەكتور لۋ حۋن يۋەگە 2150 دوللار كولەمىندە پارا بەرمەك بولعانى ءۇشىن 4 اپتاعا تۇرمەگە جاپقان.

سينگاپۋر سوتىنىڭ مالىمەتىنشە، جەرگىلىكتى پوليتسيا ينسپەكتورى لۋ حۋن يۋە مەن كساۆە سەو حۋن Royal قوناق ۇيىنە زاڭسىز ۆيزا پايدالانعان كالۋگينانىڭ بولمەسىن تەكسەرۋ ءۇشىن بارعان. سول ساتتە ەلەنا كالۋگينا لۋ حۋن يۋە مەن كساۆە سەو حۋنعا ءوزىن بوساتۋىن سۇراپ، 2150 دوللار كولەمىندە پارا ۇسىنعان. بىراق پوليتسيا قىزمەتكەرلەرى پارادان باس تارتىپ كالۋگينانى بولىمشەگە الىپ كەلگەن.

سينگاپۋر زاڭى بويىنشا پارا ۇسىنعان ادامعا 100 000 دوللار كولەمىندە ايىپپۇل سالىنادى نەمەسە 5 جىلعا باس بوستاندىعىنان ايىرىلادى. بىراق كالۋگيناعا سينگاپۋر سوتى جەڭىلدىك جاساپ تەك 4 اپتاعا قاماۋعا الۋعا ۇكىم شىعارعان.

“The Qazaq Times”