تىنىق مۇحيتىنان الىپ «قوقىس شوعىرى» تابىلدى

وڭتۇستىك جارتى شارداعى تىنىق مۇحيتىنان اۋماعى 2,5 ملن شارشى شاقىرىمدى قۇرايتىن پلاستيكتەردىڭ جينالۋىنان تۇزىلگەن الىپ "قوقىس شوعىرى" تابىلدى. بۇل تۋرالى BBC اقپاراتتىق اگەنتتىگى حابارلادى.

ءدال وسىنداي قوقىس شوعىرى 1997 جىلى سولتۇستىك جارتى شاردا انىقتالعان بولاتىن. بىراق ونداعى قوقىس جەر بەتىنەن جينالعان دەگەن قورىتىندى جاسالعان.

الدىن-الا جاسالعان بولجامدار بويىنشا، پلاستيكتەردەن تۇزىلگەن الىپ قوقىس ورنى بالىق اۋلايتىن كەمەلەردىڭ ەكولوگيالىق تالاپتاردى ورىنداماي، قورشاعان ورتانى لاستاۋىنان پايدا بولعان.

پلاستيك تابيعي جاعدايدا وزدىگىنەن اجىرامايتىندىقتان، ونىڭ ميكروسكوپيالىق تالشىقتارى تەڭىز جانۋارلارىنىڭ اس قورىتۋ جۇيەسىنە ءتۇسىپ، ولارعا ورنى تولماس زيان كەلتىرەدى.

“The Qazaq Times”