Фото: fakty-o.ru

Оңтүстік жарты шардағы Тынық мұхитынан аумағы 2,5 млн шаршы шақырымды құрайтын пластиктердің жиналуынан түзілген алып "қоқыс шоғыры" табылды. Бұл туралы BBC ақпараттық агенттігі хабарлады.

Дәл осындай қоқыс шоғыры 1997 жылы солтүстік жарты шарда анықталған болатын. Бірақ ондағы қоқыс жер бетінен жиналған деген қорытынды жасалған.

Алдын-ала жасалған болжамдар бойынша, пластиктерден түзілген алып қоқыс орны балық аулайтын кемелердің экологиялық талаптарды орындамай, қоршаған ортаны ластауынан пайда болған.

Пластик табиғи жағдайда өздігінен ажырамайтындықтан, оның микроскопиялық талшықтары теңіз жануарларының ас қорыту жүйесіне түсіп, оларға орны толмас зиян келтіреді.

“The Qazaq Times”