فوتو: unicef.org

ءسۇريانىڭ ادام قۇقىقتارى جونىندەگى باقىلاۋ كەڭەسىنىڭ مالىمەتىنشە، 2011 جىلدان اعىمداعى جىلدىڭ شىلدە ايىنا دەيىنگى جۇرگىزىلگەن ەسەپ قورىتىندىسى بويىنشا ەلدەگى سوعىس 331 مىڭ 765 ادامنىڭ ءومىرىن قيعان.

اسقان زورلىقپەن كوز جۇمعان قۇربانداردىڭ 99 مىڭ 617-ءسى - قاراپايىم           تۇرعىندار. سۇرياداعى سوعىستىڭ زاردابىنان ءولىم قۇشقان بالالاردىڭ سانى 18 مىڭ 243-ءدى قۇرايدى.

قۇقىق قورعاۋ ورگانى قىزمەتكەرلەرى باشار اسادتىڭ جاقتاۋشىلارى قاتارىندا قارۋلى قاقتىعىسقا قاتىسقانداردان 116 مىڭ 774 ادام، وپپوزياتسيالىق كۇشتەر تاراپىنان 57 مىڭ اسكەري ولگەن دەپ كورسەتەدى.

6 جىلدان بەرى توقتاۋسىز جۇرگىزىلىپ كەلە جاتقان سوعىستا "يسلام مەملەكەتى" لاڭكەستىك ۇيىمى ءوزىنىڭ 58 مىڭ دجيحادشىسىن جوعالتقان.

سۇرياداعى ماسەلەنى شەشۋگە الەم ەلدەرى جۇمىلىپ، كەلىسسوزدەر ۇستەلىنە وتىرعانىمەن، بۇل رەسمي كەزدەسۋلەر ەل ىشىندە بەيبىتشىلىك ورناتۋعا كومەكتەسە الماي وتىر. اتاپ ءوتۋ كەرەك، 9 شىلدە كۇنى اقش پەن رەسەي سيريانىڭ وڭتۇستىك باتىسىندا بەيبىت كەلىسىمگە كەلىپ، كۇش بىرىكتىرۋ تۋرالى شەشىم قابىلداعان بولاتىن.

“The Qazaq Times”