فوتو: Kapital.kz

قازاقستان اۋعانستان، پاكىستان جانە قىتايعا ەلەكتر ەنەرگياسىن جەتكىزۋ مۇمكىندىگىن قاراستىرىپ جاتىر. بۇل تۋرالى قر ەنەرگەتيكا ءمينيسترى قانات بوزىمباەۆ مالىمدەدى. 

ءمينيستردىڭ سوزىنشە، قىتاي ۇلكەن نارىق جانە ۆەدومستۆو بىرنەشە جىلدان بەرى وسى ەلگە ەنەرگيا تاسىمالداۋ مۇمكىندىكتەرىن قاراستىرعان.

"ارينە، قازىرگى كەزدە بىزدە ەنەرگيا بەرەتىندەي ەشبىر بايلانىس پەن مۇمكىندىك جوق، بىراق بۇل ۋاقىتتىڭ ەنشىسىندە. ءبىز قىتايدا اسىرەسە شىڭجاڭ، ۇيعىر اۆتونومياسى اۋدانىندا تۇتىنۋشىلىقتىڭ ارتىپ كەلە جاتقانىن باقىلاپ وتىرمىز. ءبىز ەندى تىعىز جۇمىس ىستەپ، مۇمكىن ەلەكتر ەنەرگياسىن ەكسپورتتايتىن شىعارمىز", - دەدى مينيستر.

سونداي-اق، ول ورتالىق ازياعا ەنەرگيا ەكسپورتتاۋ ءتيىمدى دەپ ەسەپتەيدى. "قازاقستان اۋعانستان مەن پاكىستانعا ەنەرگيا تاسىمالداۋ جۇيەسىن دامىتۋدى كوزدەيدى. قازىرگى كەزدە KEGOC ەنەرگيا تاراتاتىن قۋاتتى باعىتتى سالىپ جاتىر. سونداي-اق،  وڭتۇستىكتە ەلەكتر ەنەرگياسىن دامىتۋعا ارنالعان جوبالار بولاشاقتا ەكسپورتقا قوسىلۋعا مۇمكىندىك بەرەدى", - دەدى ەنەرگەتيكا باسشىسى.

ايتا كەتەيىك، قازىرگى كەزدە قازاقستان رەسەي مەن قىرعىزستانعا ەلەكتر ەنەرگياسىن تاسىمالدايدى.

“The Qazaq Times”