2017 جىلدىڭ ءبىرىنشى جارتىجىلدىعىندا قازاقستانداعى رەسمي ديلەرلەر 18 858 اۆتوكولىك ساتقان. بۇل 2016 جىلدىڭ وسى كەزەڭىنە قاراعاندا 11,3%-عا تومەن، دەگەنمەن 2017 جىلدىڭ ماۋسىم ايىنداعى تابىس (4176 كولىك ساتىلىمى) وتكەن جىلدىڭ ماۋسىمىنا قاراعاندا 12,6%-عا جوعارى بولىپ وتىر. بۇل تۋرالى "قازاۆتوپروم" حابارلادى.
ءساۋىر ايى مەن ماۋسىم ارالىعىندا قازاقستاننىڭ اۆتوكولىك نارىعىندا سوڭعى ەكى جىلعا قاراعاندا ءوسىم بايقالعان. ەكىنشى توقساننىڭ ناتيجەسى بويىنشا رەسپۋبليكادا 11 282 جەڭىل كولىك ساتىلعان جانە بۇل وتكەن جىلدىڭ ەكىنشى توقسانىنداعى كورستەكىشتەن 4,3%-عا جانە وسى جىلدىڭ 1 توقسانىنا قاراعاندا 49,1%-عا جوعارى.
وسى جىلدىڭ ءبىرىنشى جارتىسى بويىنشا قازاقستاندىقتار جاڭا جەڭىل اۆتوكولىكتەردى ساتىپ الۋعا 471,7 ملن دوللار جۇمساعان جانە كورسەتكىش وتكەن جىلعا قاراعاندا 30%%-عا جوعارى. ماۋسىم ايىندا اۆتوكولىك نارىعى تاعى 102,3 ملن دوللارمەن تولىقتى.
ساتىلعان اۆتوكولىكتەردىڭ 12 799-ى (68%) يمپورت بولسا، 6059 ساتىپ الۋشى (32%) قازاقستاندىق اۆتوزاۋىتتا جاسالعان كولىكتەردى ساتىپ العان.
قازاقستاندىقتار ءۇشىن سۇرانىسقا يە كولىك Toyota: وسى جىلدىڭ 6 ايىندا جاپوندىق ماركانىڭ 3949-ى ساتىلعان. ال Lada مودەلىنىڭ ساتىلىمى 3398 بىرلىكتى قۇرادى. ءۇشىنشى ورىندا Ravon, وسى ماركالى 1293 كولىك ساتىلعان. سونداي-اق، ەڭ كوپ ساتىلعان كولىكتەردىڭ بەستىگىن Renault (1291 بىرلىك) جانە KIA (1171 بىرلىك) اياقتايدى.
جەڭىل كولىكتەر مودەلىنىڭ ساتىلىمى بويىنشا Toyota Camry سەدان (1475 ەدينيتس), جول تالعامايتىن كولىكتەردەن Lada 4x4 (1253) جانە Toyota Rav4 (789) كوش باستاپ تۇر.
ال ەسەپتىك كەزەڭدە جەڭىل كولىكتەردى ساتىپ الۋ بويىنشا الدىڭعى ورىندا تۇرعان ءوڭىر ادەتتەگىدەي الماتى. مەگاپوليستە 6 ايدا 4675 كولىك ساتىلعان. ال ودان كەيىن استانا (3754), اتىراۋ (1285), شىمكەنت (1148), قاراعاندى (1131), قوستاناي (1111) تۇر.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى