قازاقستاندا كولىك قۇراستىرۋ جۇمىسى جاندانعان

2017 جىلدىڭ العاشقى التى ايىندا قازاقستاندا جالپى قۇنى 64,5 ملرد تەڭگەنى قۇرايتىن 8,6 مىڭ كولىك قۇراستىرىلعان. بۇل تۋرالى قازاقستاننىڭ اۆتوبيزنەس قاۋىمداستىعىنىڭ ءباسپاسوز قىزمەتى حابارلادى.

قاۋىمداستىقتىڭ مالىمەتىنشە، قۇراستىرىلعان كولىكتەر سانى وتكەن جىلدىڭ سايكەس كەزەڭىنە قاراعاندا 6,4 مىڭ بىرلىككە ارتىق. وسى جىلدىڭ ماۋسىمىندا-اق 1,8 مىڭ كولىك شىعارىلعان.

قۇراستىرىلعان كولىكتەردىڭ 90,1 پايىزى جەڭىل اۆتوكولىكتەر. ياعني جول تالعامايتىن كولىك جانە سەدان سەكىلدى 7,8 مىڭ كولىك قۇراستىرىلعان. ال جۇك كولىكتەرى مەن اۆتوبۋستار شىعارىلىمى 9,93 پايىزدى قۇرايدى نەمەسە 858 دانا.

ايتا كەتەيىك، قازاقستاندا Lada Largus, Peugeot Partner, Jac J6 سىندى كوممەرتسيالىق تەحنيكا تۇرلەرى جانە Hyundai, كاماز، ۋرال، Iveco, Shacman سياقتى جۇك كولىكتەرى قۇراستىرىلادى. سونداي-اق، وسى جىلى  Iveco, Daewoo ماركالى 313 اۆتوبۋس شىعارىلعان.

ال وسىنداي وتاندىق وندىرىستەن شىققان كولىكتەردىڭ ساتىلىمى 35,3 پايىزعا ارتقان جانە ەڭ كوپ ساتىلعان كولىك ادەتتەگىدەي Lada. ودان كەيىن KIA, Hyundai جانە Chevrolet تۇر.

“The Qazaq Times”