تاجىكستان پرەزيدەنتى ەمومالي راحمون ەل حالقىنان ساقال ءوسىرىپ، حيدجاب كيمەۋدى سۇرادى.

ول دۋشانبەدە سويلەگەن سوزىندە ون جىل بۇرىن تاجىك حالقىنىڭ ادەت-عۇرپى، ءداستۇرى جايىندا قابىلدانعان زاڭىنىڭ ماڭىزدىلىعى جايىندا ايتىپ، ەل حالقىن ساقال ءوسىرىپ، حيدجاب كيمەۋگە شاقىردى.

ەمومالي راحموننىڭ تاجىك حالقى الدىندا سويلەگەن سوزىندە: «ايەل ادامداردىڭ قارا ماتاعا ورانىپ، تۇمشالانىپ الۋى تاجىك داستۇرىنە سايكەس كەلمەيدى. ءبىر قۇدايعا حيدجاب كيىپ، ساقال ءوسىرۋ ارقىلى ەمەس، جۇرەكپەن يمان كەلتىرگەن دۇرىس. تاجىك حالقى وزدەرىنىڭ اتا-باباسى ۇستانعان داستۇرمەن ءجۇرىپ، وزگە ەلدىڭ داستۇرىنە قارسى تۇرۋى ءتيىس» - دەدى.

بۇدان بۇرىن تاجىكستان بيلىگى ەلدە مەكتەپ جاسىنداعى بالالارعا مەشىتكە بارۋعا، حيدجاب كيۋگە تىيىم سالعان ەدى. ال وسى جىلى شەتەلدەردىڭ ءدىني ۋنيۆەرسيتەتتەرىندە وقىپ جۇرگەن مىڭداعان ستۋدەنتتەرىن ەلگە قايتارىپ العان بولاتىن.

ەستەرىڭىزگە سالايىق، وسىدان ءبىراز ۋاقىت بۇرىن نۇرسۇلتان نازارباەۆ تا قازاق حالقىنا ساقال ءوسىرىپ، حيدجاب كيمەۋدى سۇراعان.

“The Qazaq Times”