قازاقستان قور بيرجاسى جەتەكشىلىگىنىڭ سوزىنشە، تەڭگە قازىرگى ۋاقىتتا جاڭا رەكورد قالىپتاستىرىپ جاتىر. دوللارعا قاتىستى باعامى 318-328 تەڭگە شاماسىندا قۇبىلۋدا. ال بۇل جاعداي جاقىن ارادا رەتتەلە قويمايدى.
سونداي-اق، KASE تەڭگە نارىقتا ءالى دە قىسىمعا ۇشىراۋى مۇمكىن ەكەنىن جوققا شىعارمايدى. مۇنىڭ باستى سەبەبى - دوللاردىڭ نىعايۋىنا ىقپال ەتىپ وتىرعان اقش-تىڭ ەكونوميكالىق ستراتەگياسى جانە وپەك-ءتىڭ مۇناي كولەمىن قىسقارتۋعا قاتىستى شەشىمىنە ترەيدەرلەردىڭ ءتۇرلى كوزقاراس قالىپتاستىرۋى.
"2017 جىلدىڭ 1 توقسانىندا بۇل ترەند تەك بايقالدى، ال جارتى جىلدىقتىڭ قورىتىندىسى بويىنشا قايتادان تەندەنتسياعا اينالدى. مۇناي باعاسى تومەندەپ جاتىر. ال تەڭگەنىڭ دوللارعا قاتىستى كۋرسى ءرۋبلدىڭ تەڭگەگە قاتىستى ايىرباس باعامىمەن ولشەنىپ وتىر. رۋبل مەن مۇناي باعاسىنىڭ قۇبىلۋىنا بايلانىستى ۇلتتىق ۆاليۋتانىڭ دوللارعا شاققانداعى باعامى شىلدە ايىنىڭ ورتاسىندا 310-318 تەڭگەدەن دە ارزانداي ءتۇستى", - دەيدى KASE-ءنىڭ باسقارما توراعاسىنىڭ ورىنباسارى اندرەي تساليۋك.
ايتا كەتەيىك، وسى اپتادا دوللار بيرجادا 328,5 تەڭگەگە دەيىن قىمباتتادى. وسىلايشا دوللار كۋرسى 3 كۇننىڭ ىشىندە 2 تەڭگەگە جوعارىلادى.
سونداي-اق، بۇدان بۇرىن ۇلتتىق بانك تەڭگەنىڭ قۇبىلمالىعىن شەكتەۋ ماقساتىندا 21-22 ماۋسىم ارالىعىندا ۆاليۋتا نارىعىندا 101 ملن دوللارعا ينتەرۆەنتسيا جۇرگىزگەنىن حابارلاعان.
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟