Қазақстан қор биржасы жетекшілігінің сөзінше, теңге қазіргі уақытта жаңа рекорд қалыптастырып жатыр. Долларға қатысты бағамы 318-328 теңге шамасында құбылуда. Ал бұл жағдай жақын арада реттеле қоймайды.
Сондай-ақ, KASE теңге нарықта әлі де қысымға ұшырауы мүмкін екенін жоққа шығармайды. Мұның басты себебі - доллардың нығаюына ықпал етіп отырған АҚШ-тың экономикалық стратегиясы және ОПЕК-тің мұнай көлемін қысқартуға қатысты шешіміне трейдерлердің түрлі көзқарас қалыптастыруы.
"2017 жылдың 1 тоқсанында бұл тренд тек байқалды, ал жарты жылдықтың қорытындысы бойынша қайтадан тенденцияға айналды. Мұнай бағасы төмендеп жатыр. Ал теңгенің долларға қатысты курсы рубльдің теңгеге қатысты айырбас бағамымен өлшеніп отыр. Рубль мен мұнай бағасының құбылуына байланысты ұлттық валютаның долларға шаққандағы бағамы шілде айының ортасында 310-318 теңгеден де арзандай түсті", - дейді KASE-нің басқарма төрағасының орынбасары Андрей Цалюк.
Айта кетейік, осы аптада доллар биржада 328,5 теңгеге дейін қымбаттады. Осылайша доллар курсы 3 күннің ішінде 2 теңгеге жоғарылады.
Сондай-ақ, бұдан бұрын Ұлттық банк теңгенің құбылмалығын шектеу мақсатында 21-22 маусым аралығында валюта нарығында 101 млн долларға интервенция жүргізгенін хабарлаған.
Қосай Махамбаев: оқ тиген адамды құтқарам дегенде өзімді атып тастады
Редиденция соты. Серік Кекілбаев: Менің әрекеттерімде қылмыстың құрамы жоқ
Каранеев: Тағылған айыптың ешқайсысын мойындамаймын
резиденция ісіндегі судья мен белсендінің айтысы
9 айдың ішінде Алматы мен Жетісу облыстарында құрылысы аяқталған жолдардан 481 ақау анықталған
Отанға оралған қандас бейімделуі немесе Қандастар мен Қазақстандағы мигранттарды ақпараттық қолдау және әлеуметтік бейімдеудің медиа-стратегиясы